ഗസ്സ: എങ്ങും സുരക്ഷിതമായ ഒരു ഇടം പോലും ഇല്ലാതായി ഗസ്സ മുനമ്പ്. അഭയാർത്ഥി ക്യാമ്പുകളും സ്കൂളുകളും ആശുപത്രികളും കൂടി ഇസ്റാഈൽ സൈന്യം ആക്രമിച്ചു. 

വടക്കൻ ഗാസയിലെ ജബലിയ അൽ-ബലാദ് പ്രദേശത്തെ ഒരു വീടിനു നേരെയുണ്ടായ ഇസ്രായേലി ആക്രമണത്തിൽ കുറഞ്ഞത് 10 പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി അൽ ജസീറ റിപ്പോർട്ട് ചെയ്യുന്നു. മധ്യ ഗാസയിലെ അസ്-സവായ്ദ പട്ടണത്തിൽ ഇസ്രായേലി നടത്തിയ മറ്റൊരു ബോംബാക്രമണത്തിൽ ഒമ്പത് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ഏറ്റവും പുതിയ ആക്രമണങ്ങളിൽ കൊല്ലപ്പെട്ടവരിൽ നിരവധി കുട്ടികളും ഉൾപ്പെടുന്നു. സമീപകാലത്തെ ഏറ്റവും രക്തരൂഷിതമായ ദിനങ്ങൾ ആണ് ഗസ്സയിൽ കഴിഞ്ഞുപോയത്ത്. മാർച്ചിൽ വെടിനിർത്തൽ തകർന്നതിനുശേഷം ഉണ്ടായ ഏറ്റവും മാരകമായ ആക്രമണങ്ങളിൽ ഒന്നായ ഇസ്രായേലിന്റെ ഏറ്റവും പുതിയ ബോംബാക്രമണത്തിന്റെ മൂന്നാം ദിവസത്തിൽ കുറഞ്ഞത് 146 പേർ കൊല്ലപ്പെട്ടതായി പലസ്തീൻ ആരോഗ്യ അധികൃതർ പറഞ്ഞു. നൂറുകണക്കിന് പേർക്ക് പരിക്കേറ്റു. നിരവധി പേർ അവശിഷ്ടങ്ങൾക്കിടയിൽ കുടുങ്ങി കിടക്കുകയാണ്.

യെമനിൽ നിന്ന് വിക്ഷേപിച്ച ഏറ്റവും പുതിയ മിസൈലിനെ തുടർന്ന് ബെൻ ഗുരിയോൺ അന്താരാഷ്ട്ര വിമാനത്താവളം ലാൻഡിംഗുകളും ടേക്ക് ഓഫുകളും താൽക്കാലികമായി നിർത്തിവച്ചതായി ഇസ്രായേൽ അറിയിച്ചു. സസ്പെൻഷൻ എത്ര കാലം നീണ്ടുനിൽക്കുമെന്ന് വ്യക്തമല്ല. 

ഇതോടൊപ്പം വെടിനിർത്തൽ ചർച്ചകൾ പുരോഗമിക്കുക ആണ്. ഇന്നലെ ഈജിപ്ത് കേന്ദ്രീകരിച്ച് നടന്ന പുതിയ ചർച്ചകൾക്ക് പിന്നാലെ ഗാസയിലെ പുതിയ വെടിനിർത്തൽ കരാറിന്റെ കീഴിൽ കൂടുതൽ ബന്ദികളെ വിട്ടയക്കാൻ ഹമാസ് തീരുമാനിച്ചു. ഗാസ മുനമ്പിൽ ഇസ്രായേൽ സൈന്യം പുതിയൊരു പ്രധാന ആക്രമണം ആരംഭിച്ചതിന് മണിക്കൂറുകൾക്ക് ശേഷമാണ് ചർച്ചകൾ ആരംഭിച്ചത്. 60 ദിവസത്തെ വെടിനിർത്തലിനും ഇസ്രായേൽ പലസ്തീൻ തടവുകാരെ മോചിപ്പിക്കുന്നതിനും പകരമായി ഒമ്പത് ബന്ദികളെ മോചിപ്പിക്കാൻ ഹമാസ് സമ്മതിച്ചതായി ഫലസ്തീൻ ഉദ്യോഗസ്ഥൻ ബിബിസിയോട് പറഞ്ഞു. പുതിയ നിർദ്ദിഷ്ട കരാർ ഒരു ദിവസം 400 സഹായ ട്രക്കുകൾക്ക് പ്രവേശനം അനുവദിക്കുമെന്നും ഗാസയിൽ നിന്ന് രോഗികളെ ഒഴിപ്പിക്കുമെന്നും ഉദ്യോഗസ്ഥൻ പറഞ്ഞു. ജീവനുള്ളതിന്റെ തെളിവും ശേഷിക്കുന്ന എല്ലാ ബന്ദികളെക്കുറിച്ചുമുള്ള വിശദമായ വിവരങ്ങളും ഇസ്രായേൽ ആവശ്യപ്പെട്ടിട്ടുണ്ട്. ഖത്തറിന്റെയും യുഎസിന്റെയും മധ്യസ്ഥർ വഴി ദോഹയിൽ പുതിയ റൗണ്ട് വെടിനിർത്തൽ ചർച്ചകൾ നടക്കുന്നുണ്ട്. നിർദ്ദിഷ്ട കരാറിനോട് ഇസ്രായേൽ ഇതുവരെ പരസ്യമായി പ്രതികരിച്ചിട്ടില്ല. എന്നാല് ഖത്തറിൽ ശനിയാഴ്ച ഇസ്രായേലും ഹമാസും വെടിനിർത്തൽ ചർച്ചകൾ പുനരാരംഭിച്ചുവെന്ന് അവർ സമ്മതിച്ചിട്ടുണ്ട്. 

അതേസമയം ഇന്നലെ ഇറാഖ് തലസ്ഥാനമായ ബാഗ്ദാദിൽ നടന്ന അറബ് ലീഗ് ഉച്ചകോടി, ഗാസ പുനർനിർമ്മാണ പദ്ധതിയെ പിന്തുണയ്ക്കുന്നതിന് രാജ്യങ്ങളോടും അന്താരാഷ്ട്ര, പ്രാദേശിക ധനകാര്യ സ്ഥാപനങ്ങളോടും അഭ്യർത്ഥിച്ചു. ഈ വംശഹത്യ ചരിത്രത്തിലെ എല്ലാ സംഘർഷങ്ങളിലും സമാനതകളില്ലാത്ത വൃത്തികെട്ട തലത്തിലെത്തിയഥായി യോഗത്തിൽ അധ്യക്ഷത വഹിച്ച ഇറാഖ് പ്രധാനമന്ത്രി മുഹമ്മദ് ഷിയ അൽ-സുഡാനി പറഞ്ഞു.

Israel kills dozens in Gaza’s al-Mawasi, resumes truce talks with Hamas