കോഴിക്കോട് : സമസ്ത കേരള ഇസ്‌ലാം മത വിദ്യാഭ്യാസ ബോർഡിന്റെ ആഭിമുഖ്യത്തിൽ നടത്തുന്ന ലഹരി വിരുദ്ധ ക്യാമ്പയിന്റെ ഭാഗമായി ഇന്ന് രാവിലെ 07.30 ന് മദ്റസകളിൽ സ്പെഷ്യൽ അസംബ്ലിയും 10 ലക്ഷം പേരുടെ ഒപ്പ് ശേഖരണവും നടക്കും. അസംബ്ലിയിൽ ലഹരിക്കെതിരെ പന്ത്രണ്ട് ലക്ഷത്തോളം വരുന്ന വിദ്യാർഥികളും ഒരു ലക്ഷത്തോളം വരുന്ന അദ്ധ്യാപകരും പ്രതിജ്ഞ എടുക്കും. ലഹരിക്കെതിരെയുള്ള ഏറ്റവും വലിയ വിദ്യാർഥി കൂട്ടായ്മയായിരിക്കും സമസ്തയുടെ കീഴിലുള്ള 10992 മദ്റസകളിൽ ഇന്ന് നടക്കുന്ന സ്പെഷ്യൽ അസംബ്ലി.