റോം: ഒമാന്റെ മധ്യസ്ഥതയില്‍ ഇറാനും യു.എസും തമ്മിലുള്ള ആണവ ചര്‍ച്ചകളുടെ അഞ്ചാംഘട്ടം ഇന്ന് ഇറ്റാലിയന്‍ തലസ്ഥാനമായ റോമില്‍ നടക്കും. ചര്‍ച്ചകളുടെ മധ്യസ്ഥരാജ്യമായ ഒമാന്‍ വിദേശകാര്യ മന്ത്രി സയ്യിദ് ബദര്‍ ഹമദ് അല്‍ ബുസൈദിയാണ് ഇക്കാര്യം അറിയിച്ചത്. നേരത്തെ നടന്ന നാല് ചര്‍ച്ചകളില്‍ നിന്നും വ്യത്യസ്തമായ അന്തരീക്ഷത്തിലാണ് ഇന്നത്തെ ചര്‍ച്ചകളെന്നാണ് റിപ്പോര്‍ട്ട്. വിദേശകാര്യ മന്ത്രി അബ്ബാസ് അറാഗ്ച്ചിയാകും ചര്‍ച്ചയില്‍ ഇറാനെ പ്രതിനിധീകരിക്കുക. യുറേനിയം സമ്പുഷ്ടീകരണം പൂര്‍ണമായും നിര്‍ത്തണമൊണ് യു.എസ് ആവശ്യം. എന്നാല്‍, യുദ്ധാവശ്യമല്ലാതെ ഊര്‍ജ്ജം ഉടക്കമുള്ള സിവിലയന്‍ ആവശ്യങ്ങള്‍ക്കായി സമ്പുഷ്ടീകരണവുമായി മുന്നോട്ടുപോകുമെന്നാണ് ഇറാന്‍ നിലപാട്. യുറേനിയം സമ്പുഷ്ടീകരണം ഇറാനുള്ള 'ചുവപ്പ് രേഖ'യാണെന്നാണ് ചര്‍ച്ചയില്‍ യു.എസിനെ പ്രതിനിധീകരിക്കുന്ന പശ്ചിമേഷ്യന്‍ ദൂതന്‍ സ്റ്റീവ് വിറ്റ്‌കോഫ് പറഞ്ഞിരിക്കുന്നത്. യുറേനിയം സമ്പുഷ്ടീകരണം തുടരാന്‍ യു.എസിന്റെ അനുമതി ആവശ്യമില്ലെന്നുമാണ് ഇറാന്‍ പരമോന്നത നേതാവ് ആയത്തുല്ല അലി ഖാംനഈ പ്രതികരിച്ചത്. 

Crucial US-Iran nuclear talks to be held in Rome today under Oman's mediation