കൊച്ചി: റോഡിലേക്ക് മറിഞ്ഞുവീണ വൈദ്യുതി പോസ്റ്റില്‍ ഇടിച്ച് എറണാകുളത്ത് ബൈക്ക് യാത്രക്കാരന്‍ മരിച്ചു. കുമ്പളം നോര്‍ത്ത് പള്ളിയിലെ ഉസ്താദായ അബ്ദുല്‍ ഖഫൂര്‍ ആണ് മരിച്ചത്. ഇതേ പോസ്റ്റില്‍ ഇടിച്ച് കുമ്പളം ക്ഷേത്രത്തിലെ ശാന്തിയായ സുരേഷിനും പരിക്കേറ്റു.രണ്ടാഴ്ച മുന്‍പ് സ്ഥാപിച്ച പോസ്റ്റ് കനത്ത മഴയിലും കാറ്റിലും റോഡിലേക്ക് വീഴുകയായിരുന്നു.

പാലക്കാട് മണ്ണാര്‍ക്കാട് കുമരമ്പത്തൂര്‍ ജംഗ്ഷനില്‍ കണ്ടെയ്‌നര്‍ ലോറി നിയന്ത്രണം വിട്ട് ഡിവൈഡറില്‍ കയറി. അതേസമയം,  വാഹനം മറിയാതിരുന്നത് വന്‍ ദുരന്തം ഒഴിവാക്കി. കോഴിക്കോട് ദേശീയപാതയില്‍ ഇന്ന് പുലര്‍ച്ചെയായിരുന്നു അപകടം.