കെയ്‌റോ: കൊടും ചൂടില്‍ നിന്ന് തൊഴിലാളികളെ സംരക്ഷിക്കുന്നതിന് പുതിയ തീരുമാനവുായി കുവൈത്ത്. ഈ വേനല്‍ക്കാലത്ത് ചൂടു കൂടിയ സമയങ്ങളില്‍ ഡെലിവറി ബൈക്കുകളുടെ പ്രവര്‍ത്തനത്തിന് നിയന്ത്രണമേര്‍പ്പെടുത്തി. 

ജൂണ്‍ ഒന്നു മുതല്‍ ഓഗസ്റ്റ് അവസാനം വരെ രാവിലെ 11 മുതല്‍ വൈകുന്നേരം 4 വരെ ഡെലിവറി ബൈക്കുകളുടെ നിരോധനം നടപ്പിലാക്കുമെന്ന് ആഭ്യന്തര മന്ത്രാലയം അറിയിച്ചു. കുവൈത്തിലുടനീളമുള്ള എല്ലാ റോഡുകളിലും ഇത് ബാധകമാണ്, നിയമലംഘകര്‍ക്ക് കര്‍ശനമായ ശിക്ഷകള്‍ നല്‍കുമെന്നും അധികൃതര്‍ അറിയിച്ചു. 

ഈ മാസമാദ്യം, കുവൈത്തിലെ പബ്ലിക് അതോറിറ്റി ഓഫ് മാന്‍പവര്‍ (പിഎഎം) ചൂടു കൂടിയ സമയങ്ങളില്‍ പുറം ജോലികള്‍ക്ക് വ്യാപകമായ വിലക്ക് ഏര്‍പ്പെടുത്തിയിരുന്നു. വേനല്‍ക്കാലത്ത് പ്രധാന ആശങ്കയായ ചൂടുമായി ബന്ധപ്പെട്ട രോഗങ്ങളില്‍ നിന്ന് തൊഴിലാളികളെ സംരക്ഷിക്കുന്നതിനുള്ള ശ്രമങ്ങളുടെ ഭാഗമാണ് ഈ തീരുമാനം.

നിയമലംഘനങ്ങള്‍ നടക്കുന്നുണ്ടോ എന്നറിയാന്‍ പബ്ലിക് അതോറിറ്റി ഓഫ് മാന്‍പവറില്‍ നിന്നുള്ള ഇന്‍സ്‌പെക്ഷന്‍ ടീമുകള്‍ പരിശോധനകള്‍ നടത്തും. ആദ്യത്തെ ലംഘനത്തിന് ഒരു മുന്നറിയിപ്പും ഒരു ദിവസത്തെ ഗ്രേസ് പീരിയഡും ലഭിക്കും.

ആവര്‍ത്തിച്ചുള്ള നിയമലംഘനങ്ങള്‍ക്ക് റെക്കോര്‍ഡ് താല്‍ക്കാലികമായി സസ്‌പെന്‍ഡ് ചെയ്യുകയും സാമ്പത്തിക പിഴ ചുമത്തുകയും ചെയ്യും. വേനല്‍ക്കാലത്ത് താപനില 50 ഡിഗ്രി സെല്‍ഷ്യസില്‍ കൂടുതല്‍ എത്തുന്ന ഗള്‍ഫ് രാജ്യങ്ങളില്‍ ഔട്ട്‌ഡോര്‍ ജോലികളില്‍ വര്‍ഷം തോറും ഈ നിരോധനം ഏര്‍പ്പെടുത്താറുണ്ട്.

Kuwait has imposed a daytime ban on delivery motorbikes from 11 AM to 4 PM, effective June 1 to August 31, to safeguard workers from extreme summer heat. The move aligns with broader outdoor work restrictions, with penalties for violations. Read more about Kuwait's seasonal safety measures.