അഹമ്മബാദ്: 2025 ഐപിഎല്ലിൽ ചെന്നൈ സൂപ്പർ കിങ്‌സ് തങ്ങളുടെ അവസാന മത്സരത്തിൽ ഗുജറാത്ത് ടൈറ്റൻസിനെ നേരിടുകയാണ്. ഈ സീസണിൽ നിരാശാജനകമായ പ്രകടനം പുറത്തെടുത്ത എംഎസ് ധോണിയും സംഘവും അവസാന മത്സരം വിജയിച്ചുകൊണ്ട് മടങ്ങാനാവും ലക്ഷ്യം വെക്കുക. ഗുജറാത്തിലെ അഹമ്മബാദ് നരേന്ദ്ര മോദി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ചെന്നൈ ബാറ്റിംഗ് തെരഞ്ഞെടുക്കുകയായിരുന്നു. 

മൽത്സരത്തിൽ ചെന്നൈക്കായി തുടക്കത്തിൽ തന്നെ യുവതാരം ആയുഷ് മാത്രെ മികച്ച വെടിക്കെട്ട് പ്രകടനമാണ് നടത്തിയത്. 17 പന്തിൽ മൂന്ന് വീതം സിക്സുകളും ഫോറുകളും ഉൾപ്പടെ 34 റൺസാണ് താരം അടിച്ചെടുത്തത്. ഇതോടെ 18 വയസ്സോ അതിൽ താഴെയോ പ്രായമുള്ളപ്പോൾ ഒരു ഐപിഎൽ സീസണിൽ 10+ സിക്സറുകൾ നേടിയ താരങ്ങളുടെ പട്ടികയിൽ ഇടം നേടാനും ആയുഷിന് സാധിച്ചു. പട്ടികയിൽ മൂന്നാമനായാണ് താരം ഇടം നേടിയത്. 11 സിക്സുകളാണ് താരം ഈ സീസണിൽ നേടിയത്. ഈ സീസണിൽ 23 സിക്സുകൾ നേടിയ വൈഭവ് സൂര്യവംശിയാണ് ഈ പട്ടികയിൽ ഒന്നാമതുള്ളത്. 24 സിക്സുകളാണ് താരം നേടിയത്. 2017 സീസണിൽ 13 സിക്സുകൾ നേടിയ ഇഷാൻ കിഷൻ രണ്ടാം സ്ഥാനത്തുമുണ്ട്. 

പരുക്കേറ്റ ക്യാപ്റ്റൻ ഋതുരാജ് ഗെയ്ക്വാദിന്റെ പകരക്കാരനായാണ് ആയുഷ് മാത്രെ ചെന്നൈ ടീമിൽ ഇടം നേടിയത്. ഈ സീസണിൽ ചെന്നൈക്കായി മികച്ച പ്രകടനമാണ് താരം പുറത്തെടുത്തത്. ലിസ്റ്റ് എ ക്രിക്കറ്റിൽ മുംബൈക്ക് വേണ്ടി മിന്നും പ്രകടനം നടത്തിയ താരമാണ് ആയുഷ്. ഈ സീസണിൽ വിജയ് ഹസാരെ ട്രോഫിയിൽ മുംബൈക്ക് വേണ്ടി ആയുഷ് മാത്രെ സെഞ്ച്വറി നേടി തിളങ്ങിയിരുന്നു. നാഗാലാന്റിനെതിരെയുള്ള മത്സരത്തിലാണ് താരം സെഞ്ച്വറി നേടി തിളങ്ങിയത്. 117 പന്തിൽ 181 റൺസ് ആണ് താരം നേടിയത്.15 ഫോറുകളും 11 സിക്സുകളും ആണ് താരം നേടിയത്. 

ചെന്നൈ സൂപ്പർ കിങ്‌സ് പ്ലെയിങ് ഇലവൻ

ആയുഷ് മാത്രെ, ഡെവോൺ കോൺവേ, ഉർവിൽ പട്ടേൽ, രവീന്ദ്ര ജഡേജ, ഡെവാൾഡ് ബ്രെവിസ്, ശിവം ദുബെ, ദീപക് ഹൂഡ, എംഎസ് ധോണി(വിക്കറ്റ് കീപ്പർ/ക്യാപ്റ്റൻ), നൂർ അഹമ്മദ്, അൻഷുൽ കംബോജ്, ഖലീൽ അഹമ്മദ്.

ഗുജറാത്ത് ടൈറ്റൻസ് പ്ലെയിങ് ഇലവൻ

ശുഭ്മാൻ ഗിൽ(ക്യാപ്റ്റൻ), ജോസ് ബട്ട്‌ലർ(വിക്കറ്റ് കീപ്പർ), ഷെർഫാനെ റൂഥർഫോർഡ്, ഷാരൂഖ് ഖാൻ, രാഹുൽ തീവെട്ടിയ, റാഷിദ് ഖാൻ, ജെറാൾഡ് കോട്സി, രവിശ്രീനിവാസൻ സായ് കിഷോർ, മുഹമ്മദ് സിറാജ്, അർഷാദ് ഖാൻ, പ്രസീദ് കൃഷ്ണ.

Ayush Mhatre create a great record in IPL