കോഴിക്കോട്: വ്യാജ നമ്പർ പ്ലേറ്റ് ഉപയോഗിച്ച് വാഹനം ഓടിച്ച കേസിൽ രണ്ട് പേർ പൊലീസ് പിടിയിലായി. കോഴിക്കോട് തലക്കുളത്തൂര്‍ നായനപറമ്പ് ബൈത്തുല്‍ സുബൈദ് വീട്ടില്‍ മുസ്സമ്മില്‍ (53), അരക്കിണര്‍ സ്വദേശി കണ്ണഞ്ചേരി പറമ്പില്‍ ഹബീബ് (44) എന്നിവരാണ് കസബ പൊലീസ് അറസ്റ്റ് ചെയ്തത്.

ഒളവണ്ണ സ്വദേശി സുജിത്ത് കുമാറിന്റെ ഉടമസ്ഥതയിലുള്ള സ്‌കൂട്ടറിന്റെ രജിസ്‌ട്രേഷന്‍ നമ്പര്‍ ഉപയോഗിച്ചാണ് പ്രതികൾ തട്ടിപ്പ് നടത്തിയത്. വീട്ടില്‍ പാര്‍ക്ക് ചെയ്ത നിലയിലിരുന്ന ഈ സ്‌കൂട്ടറിന്റെ പേരിലാണ് പെറ്റി കേസ് രജിസ്റ്റര്‍ ആയത്. ഇങ്ങനെ കേസ് വന്നതോടെ ഉടമയായ സുജിത്ത് കുമാർ കാര്യത്തെക്കുറിച്ച് അന്വേഷിച്ചു തുടങ്ങി. തുടർന്നാണ് അദ്ദേഹം കസബ പൊലീസ് സ്റ്റേഷനില്‍ പരാതി നല്‍കിയത്.

പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ അന്യസംസ്ഥാനങ്ങളിൽ നിന്നുള്ള തട്ടിപ്പുകാരാണ് നമ്പർ പ്ലേറ്റ് വ്യാജമായി ഉപയോഗിച്ച് യാത്ര ചെയ്തതെന്ന് വ്യക്തമായി. തുടര്‍ന്ന് കസബ എസ്‌ഐ സനീഷ്, എഎസ്‌ഐമാരായ സജേഷ് കുമാർ, രാജേഷ്, സിപിഓ സുജിത് എന്നിവരടങ്ങിയ സംഘം ഇരുവരെയും പിടികൂടി.

മറ്റൊരു കേസിൽ നമ്പർ പ്ലേറ്റ് ഗ്രീസ് തേച്ച് മറച്ച ജെസിബി ഓപ്പറേറ്റർ പിടിയില്‍

പത്തനംതിട്ട: എഐ ക്യാമറയിൽ നിന്നു രക്ഷപെടാനായി വാഹനത്തിന്റെ നമ്പർ പ്ലേറ്റിന് ഗ്രീസ് തേച്ച് മറച്ചതിന്റെ അടിസ്ഥാനത്തിൽ ഒരു ജെസിബി ഓപ്പറേറ്റർ മോട്ടോർ വാഹന വകുപ്പ് പിടികൂടി. പരുമല സ്വദേശി ആയ ഇയാളെ പത്തനംതിട്ട കുന്നന്താനത്ത് വെച്ച് മല്ലപ്പള്ളി മോട്ടോർ വാഹന വകുപ്പ് ഉദ്യോഗസ്ഥരാണ് പിടികൂടിയത്.

സ്ഥിരം ഹെൽമറ്റ് ധരിക്കാതെ ഇയാൾ യാത്ര ചെയ്യാറുണ്ടെന്ന് അധികൃതർ പറഞ്ഞു.നമ്പർ പ്ലേറ്റ് മറച്ചതിന് 3000 രൂപ, ഹെൽമറ്റ് ധരിക്കാത്തതിന് 500 രൂപ, മറ്റ് മുൻകൂർ നിയമലംഘനങ്ങൾക്ക് 5000 രൂപ ഉൾപ്പെടെ മൊത്തത്തിൽ 8500 രൂപ പിഴ ഈടാക്കി.

A Kozhikode man discovered a petty case had been filed in his name for a scooter he hadn't used. On investigation, police found that two individuals had used a fake number plate matching his vehicle. Based on the owner's complaint, both were arrested. In a separate incident in Pathanamthitta, a JCB operator was fined for concealing his vehicle's number plate with grease to evade AI cameras.