തൃശൂര്‍: ചെറുതുരുത്തിയില്‍ ഓടിക്കൊണ്ടിരുന്ന ട്രെയിനിന് മുകളില്‍ മരം പൊട്ടിവീണ് അപകടം. ലോക്കോപൈലറ്റിന്റെ സമയോചിത ഇടപെടലില്‍ വന്‍ അപകടം ഒഴിവായി. ജാം നഗര്‍- തിരുനെല്ലി എക്‌സ്പ്രസിന് മുകളിലേക്കാണ് മരം വീണത്. 

ചെറുതുരുത്തി കലാമണ്ഡലത്തിന് സമീപമുള്ള റെയില്‍വേ പാലത്തിലാണ് അപകടമുണ്ടായത്. മരം വീഴുന്നത് കണ്ട ലോക്കോ പൈലറ്റ് ട്രെയിനിന്റെ വേഗത കുറയ്ച്ചതിനാല്‍ വനം അപകടം ഒഴിവായി. തുടര്‍ന്ന് മണിക്കൂറുകളോളം ട്രെയിന്‍ നിര്‍ത്തിയിട്ടു. മരം പൂര്‍ണ്ണമായി മുറിച്ച് മാറ്റിയതിന് ശേഷമാണ് ഗതാഗതം പുനരാരംഭിച്ചത്. 

അതേസമയം ശക്തമായ മഴയിലും കാറ്റിലും സംസ്ഥാനത്തുടനീളം വ്യാപക നാശനഷ്ടങ്ങള്‍ റിപ്പോര്‍ട്ട് ചെയ്തിട്ടുണ്ട്. 
ഇന്നലെ രാത്രിയോടെ താമരശ്ശേരി ചുരത്തില്‍ മരം റോഡിലേക്ക് വീണ് ഗതാഗത തടസമുണ്ടായി. മണിക്കൂറുകളോളം വാഹനങ്ങള്‍ കുടുങ്ങിക്കിടുന്നു.

ALSO READ: കപ്പലിൽ നിന്നുള്ള വസ്തുക്കൾ തീരത്തടിഞ്ഞാൽ ശ്രദ്ധിക്കണം; 200 മീറ്റർ മാറി നിൽക്കണം; മുന്നറിയിപ്പ് നൽകി ദുരന്തനിവാരണ അതോറിറ്റി  Read more

മലപ്പുറം മുസ്‌ലിയാരങ്ങാടിയില്‍ സംസ്ഥാന പാതയില്‍ മഴയിലും, കാറ്റിലും കാറിന് മുകളില്‍ മരം വീണ് ഗതാഗതം തടസപ്പെട്ടു. റോഡിലേക്ക് ചാഞ്ഞുനിന്നിരുന്ന ബദാം മരമാണ് വീണത്. ആര്‍ക്കും പരിക്കില്ല.പാലക്കാട് പത്തിരിപ്പാലയില്‍ ബസിന് മുകളില്‍ മരം കടപുഴകി വീണ് അപകടമുണ്ടായി. ആര്‍ക്കും പരിക്കില്ല. നെല്ലിയാമ്പതിയില്‍ തുത്തന്‍പാറയിലേക്കുള്ള വഴിയില്‍ മരം വീണ് വിനോദ സഞ്ചാരികള്‍ കുടുങ്ങി. വനം വകുപ്പ് ഇവരെ സുരക്ഷിത കേന്ദ്രത്തിലേക്ക് മാറ്റി.

കൊട്ടാരക്കര ദിണ്ടിഗല്‍ ദേശീയ പാതയില്‍ മണ്ണിടിഞ്ഞ് ഗതാഗത തടസമുണ്ടായി. ഇടുക്കിയിലെ മുറിഞ്ഞപുഴക്ക് സമീപമാണ് സംഭവം.

tree fell onto a moving train in Cheruthuruthy Thrissur arrowly avoiding a major accident