കണ്ണൂര്‍: സി.പി.എം, ബി.ജെ.പി സംഘപരിവാര്‍ ശക്തികളുടെ ആക്രമണ കൊലപാതകങ്ങള്‍ ജില്ലയ്ക്കുമേല്‍ കനത്ത കരിനിഴല്‍ വീഴ്ത്തുകയാണെന്ന് ജില്ലാ മുസ്‌ലിം ലീഗ് പ്രസിഡന്റ്  പി കുഞ്ഞിമുഹമ്മദും ജനറല്‍ സെക്രട്ടറി അഡ്വ.അബ്ദുല്‍ കരീംചേലേരിയും പ്രസ്താവിച്ചു.  ജില്ലയില്‍ സമാധാനം സ്ഥാപിക്കുന്നതിന് ജില്ലാ ഭരണകൂടം വിളിച്ചു കൂട്ടിയ സമാധാനയോഗ തീരുമാനങ്ങളുടെ മഷി ഉണങ്ങുന്നതിന് മുമ്പ് ഇരുവിഭാഗവും കത്തിയും വാളും ബോംബും പുറത്തെടുത്തിരിക്കയാണ്. ജില്ലയില്‍  സമാധാനം പുന:സ്ഥാപിക്കാന്‍ എത്രയും വേഗം മുഖ്യമന്ത്രി മുന്‍കൈയെടുക്കണമെന്ന് നേതാക്കള്‍ ആവശ്യപ്പെട്ടു.