ആലപ്പുഴ: ആലപ്പുഴ കരുവാറ്റയിൽ ട്രെയിനിനു മുന്നിൽ ചാടി യുവാവും യുവതിയും ആത്മഹത്യ ചെയ്തു. ചെറുതന കാനകേയിൽ ശ്രീജിത്ത് (38), പള്ളിപ്പാട് സ്വദേശിനിയായ വിദ്യാർഥിനി ദേവു (17) എന്നിവരാണ് മരിച്ചത്. ഇന്ന് രാവിലെ പതിനൊന്നരയോടെ കരുവാറ്റ റെയിൽവേ ക്രോസിനു സമീപമാണ് സംഭവം. വിവാഹിതനായ ശ്രീജിത്ത് രണ്ടു മക്കളുടെ പിതാവാണ്.

തിരുവനന്തപുരത്തു നിന്ന് മുംബൈയിലേക്ക് പോകുന്ന നേത്രാവതി എക്സ്പ്രസിനു മുന്നിലേക്ക് ചാടിയാണ് ഇരുവരും ആത്മഹത്യ ചെയ്തത്. സംഭവത്തെ തുടർന്ന് ട്രെയിൻ ഹരിപ്പാട് 20 മിനിറ്റോളം പിടിച്ചിട്ടു. രണ്ടുപേരുടെയും മൃതദേഹം ആശുപത്രിയിലേക്ക് മാറ്റി.