കൊയിലാണ്ടി: ദേശീയപാത 66ല്‍ പാലക്കുളം സില്‍ക്ക് ബസാറില്‍ മരം കടപുഴകി വീണു. രാത്രി 7:30 ഓടെ സംഭവിച്ച അപകടത്തില്‍ ഒരു കാര്‍ മരത്തിനടിയില്‍ അമര്‍ന്നു. അതേസമയം, കാറില്‍ ഉണ്ടായിരുന്ന രണ്ടു പേര്‍ അത്ഭുതകരമായി രക്ഷപ്പെട്ടു.  മരം വീഴുന്നത് ശ്രദ്ധയില്‍പ്പെട്ട യാത്രക്കാര്‍ തല്‍ക്ഷണം വാഹനം സൈഡിലേക്ക് വെട്ടിച്ച് വാഹനത്തില്‍ നിന്നും ഇറങ്ങിയതാണ് ജീവന്‍ രക്ഷിച്ചത്.

അപകടത്തില്‍ ഒരു വൈദ്യുത പോസ്റ്റും തകര്‍ന്നിട്ടുണ്ടെന്നാണ് റിപ്പോര്‍ട്ടുകള്‍. സംഭവത്തെ തുടര്‍ന്ന് കൊയിലാണ്ടി പൊലിസും ഫയര്‍ഫോഴ്‌സും സ്ഥലത്തെത്തി. ദേശീയപാതയില്‍ വലിയ തോതിലുള്ള ഗതാഗതക്കുരുക്ക് അനുഭവപ്പെടുന്നുണ്ട്. വലിയ മരം ആയതിനാല്‍ മുറിച്ചു മാറ്റി ഗതാഗതം പുനസ്ഥാപിക്കാന്‍ ഒരു മണിക്കൂറിലധികം സമയം എടുക്കുമെന്നാണ് സൂചനകള്‍.

A massive tree collapsed onto a moving car on National Highway 66 near Palakkunnu Silk Bazaar in Koyilandy. The incident occurred around 7:30 PM, with the car getting completely crushed under the tree. Remarkably, both passengers managed to escape unharmed. The accident has caused major traffic disruptions, with authorities working to clear the debris. Strong winds in the area are suspected to be the cause. Read more about this narrow escape and ongoing rescue efforts.