ഭുവനേശ്വര്‍: 50 ലക്ഷം കൈക്കൂലി വാങ്ങിയ ഇ.ഡി ഡപ്യൂട്ടി ഡയരക്ടര്‍ അറസ്റ്റില്‍. ഒഡീഷയിലെ ഭുവനേശ്വര്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) ഡെപ്യൂട്ടി ഡയറക്ടര്‍ ചിന്തന്‍ രഘുവന്‍ശി ആണ് അറസ്റ്റിലായത്. സി.ബി.ഐ ആണ് ഇയാളെ അറസ്റ്റ് ചെയ്തത്. 2013 ബാച്ച് ഇന്ത്യന്‍ റവന്യൂ സര്‍വീസ് ഓഫിസറാണ് ചിന്തന്‍ രഘുവന്‍ശി.

പ്രാദേശിക ഖനി വ്യവസായിയില്‍നിന്നാണ് ഇയാള്‍ 50 ലക്ഷം രൂപ കൈക്കൂലി ആവശ്യപ്പെടുന്നത്. ഇതിന്റെ ആദ്യ ഗഡുവായ 20 ലക്ഷം രൂപ കൈപറ്റുമ്പോഴായിരുന്നു അറസ്റ്റ്.  കള്ളപ്പണം വെളുപ്പിച്ച കേസില്‍ നിന്ന് ഖനി പേര് ഒഴിവാക്കാമെന്ന് വാഗ്ദാനം നല്‍കിയായിരുന്നു ഇയാള്‍ 50 ലക്ഷം രൂപ വ്യാപാരിയോട്  ആവശ്യപ്പെട്ടത്.

തന്നോട് കൈക്കൂലി ആവശ്യപ്പെട്ട വിവരം വ്യാപാരി തന്നെയാണ് സി.ബി.ഐയെ അറിയിച്ചത്. ഇയാളുടെ ഓഫിസില്‍നിന്ന് കണക്കില്‍പ്പെടാത്ത പണവും കണ്ടെത്തിയിട്ടുണ്ട്. കസ്റ്റഡിയിലെടുത്ത ചിന്തന്‍ രഘുവന്‍ശിയെ സി.ബി.ഐ ചോദ്യം ചെയ്യുകയാണ്. 

ED Deputy Director Chintan Raghuvanshi, an IRS officer from the 2013 batch, was arrested by the CBI in Bhubaneswar for accepting a ₹20 lakh bribe as part of a ₹50 lakh demand from a mining businessman.