ബിസാല്‍പൂര്‍: അഴിമതി റിപ്പോര്‍ട്ട് ചെയ്തതിന്റെ പേരില്‍ ജീവിക്കാനുള്ള സാഹചര്യംമ തന്നെ ഇല്ലാതായി. അഴിമതിക്കാരുടെ ഉപദ്രവം സഹിക്കവയ്യാതെ വിഷം കഴിച്ച് ആത്മഹത്യക്ക് ശ്രമിച്ച് മുസ്‌ലിം മാധ്യമപ്രവര്‍ത്തകനും ഭാര്യയും. ഉത്തര്‍പ്രദേശിലാണ് സംഭവം. പിലിബിത്തില്‍ കസ്ബ ബര്‍ക്കേഡയില്‍ നിന്നുള്ള ഇസ്‌റാറും ഭാര്യ മിറാജുമാണ് ഈ അതിക്രമത്തിനിരയായത്. വിഷം കഴിക്കുന്നതിന് മുന്‍പ് അവര്‍ തങ്ങളെ ഉപദ്രവിച്ചവരെ കുറിച്ച് വീഡിയോ പുറത്തു വിട്ടിരുന്നു. 

ബിസാല്‍പൂര്‍ എസ്.ഡി.എം (Sub-Divisional Magistrate )  നാഗേന്ദ്ര പാണ്ഡെബര്‍ക്കേദ നഗര്‍ പഞ്ചായത്ത് ചെയര്‍മാന്‍ ശ്യാം ബിഹാരി ബോജ്വാള്‍ കോണ്‍ട്രാക്ടര്‍ മോയിന്‍ എന്നിവരുടെ പേരുകളാണ് അദ്ദേഹം വീഡിയോയില്‍ പറയുന്നത്. 

'കുറച്ചു ദിവസങ്ങള്‍ക്ക് മുന്‍പ് റോഡ് പണിയിലെ അഴിമതി ഞാന്‍ റിപ്പോര്‍ട്ട് ചെയ്തിരുന്നു. ഈ റിപ്പോര്‍ട്ട് മുഖ്യമന്ത്രിയുടെ ശ്രദ്ധയില്‍ പെടുകയും ചെയ്തിരുന്നു. അന്ന് മുതല്‍ എന്നെ ഇവര്‍ ഉപദ്രവിക്കുകയാണ്. എന്റെ മേല്‍ കള്ളക്കേസുണ്ടാക്കുകയും നിരവധി തവണ പല വഴിക്കായി എന്നെ ഉപദ്രവിക്കുകയും ചെയ്യുകയാണ്' അദ്ദേഹം വീഡിയോയില്‍ പറയുന്നു. 

ആത്മഹത്യയല്ലാതെ ഇവര്‍ തങ്ങള്‍ക്കു മുന്നില്‍ മറ്റൊരു മാര്‍ഗവും അവശേഷിപ്പിച്ചില്ലെന്നും വീഡിയോയില്‍ പറയുന്നു. തങ്ങള്‍ക്ക് നീതി ലഭ്യമാക്കണമെന്ന് മുഖ്യമന്ത്രി യോഗി ആദിത്യനാഥിനോട് ആവശ്യപ്പെട്ട ഇസ്‌റാര്‍ തങ്ങളെ സംരക്ഷിക്കുമെന്ന് കരുതിയ പൊലിസ് പോലും  കയ്യൊഴിഞ്ഞെന്നും കൂട്ടിച്ചേര്‍ക്കുന്നു. 

വീഡിയോ പോസ്റ്റ് ചെയ്തതിന് പിന്നാലെ വൈറല്‍ ആയി. ഇതു കണ്ട ബന്ധുക്കള്‍ ഓടിയെത്തി ഇരുവരേയും ആശുപത്രിയിലെത്തിക്കുകയായിരുന്നു. ഇവര്‍ അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.  

उत्तर प्रदेश के पीलीभीत में मुस्लिम पत्रकार दंपति इसरार और पत्नी मिराज ने अधिकारियों द्वारा प्रताड़ित किए जाने का आरोप लगाते हुए जहर खा लिया है।

ज़हर खाने से पहले से पहले उन्होंने एक वीडियो बनाया, जिसमें उन्होंने बीसलपुर के एसडीएम नागेंद्र पांडे, बरखेड़ा नगर पंचायत चेयरमैन श्याम… pic.twitter.com/RAYBXXiUoJ

— Madan Mohan Soni - (आगरा वासी) (@madanjournalist) May 29, 2025

A Muslim journalist and his wife from Uttar Pradesh's Pilibhit attempted suicide after allegedly facing relentless harassment for exposing corruption. Before the act, they released a video naming local officials and pleading for justice from CM Yogi Adityanath.