മസ്കത്ത്: ഒമാനിലെ സ്മാർട്ട്ഫോൺ ഉപയോക്താക്കൾക്ക്  ZTEയുടെ പ്രീമിയം സ്മാർട്ട്ഫോൺ ബ്രാൻഡായ നുബിയ, വിവിധ വിഭാഗങ്ങളിലായി പുതിയ മോഡലുകൾ ഔദ്യോഗികമായി രംഗത്തിറക്കി. 

എൻട്രി-ലെവൽ Nubia A35E (6GB+64GB), ഫ്‌ളാഗ്‌ഷിപ്പ് V70/V70 Design/V70 Max സീരീസുകൾ (14GB+256GB മുതൽ), ഇമേജിംഗ് ശ്രേണിയായ Nubia Focus, ഗെയിമിംഗ് മോഡലുകൾ ഉൾപ്പെടുന്ന RedMagic, സംഗീതപ്രേമികൾക്കായി രൂപകൽപ്പന ചെയ്ത Nubia Music എന്നിങ്ങനെ വ്യത്യസ്ത ആവശ്യങ്ങൾക്കനുസരിച്ചുള്ള മോഡലുകളാണ് വിപണിയിൽ എത്തുന്നത്.

സാങ്കേതിക തകരാര്‍: ദുബൈ - കൊച്ചി എയര്‍ഇന്ത്യ എക്‌സ്പ്രസ് മസ്‌കത്തില്‍ ഇറക്കി

സ്മാർട്ട്ഫോൺ ഉപയോഗിക്കാൻ തുടങ്ങുന്നവർക്കും,  വിദ്യാർത്ഥികൾക്കും സുഗമമായി ഉപയോഗിക്കാവുന്ന രീതിയിലാണ്  Nubia A35E ഒരുക്കിയിട്ടുള്ളത്. 6GB RAM, 64GB സ്റ്റോറേജ് എന്നിവ ഇതിന്റെ സവിശേഷതകളാണ്.

ഫോക്കസ്  സീരീസ് ഉയർന്ന റെസല്യൂഷൻ എഐ ക്യാമറ, മൾട്ടി-സീൻ ഓപ്റ്റിമൈസേഷൻ, നൈറ്റ് മോഡ് ഫോട്ടോഗ്രഫി തുടങ്ങിയ സവിശേഷതകൾ കൊണ്ട് ഫോട്ടോഗ്രഫി ആസ്വദിക്കുന്നവർക്കും കണ്ടന്റ് ക്രിയേറ്റർമാർക്കും അനുയോജ്യമാണ്.

മികച്ച ഗെയിമിംഗ് അനുഭവത്തിനായി ‘റെഡ് മാജിക്’ സ്മാർട്ട്ഫോണുകൾ ഉയർന്ന റിഫ്രഷ് റേറ്റ് ഡിസ്പ്ലേ, ഡെഡിക്കേറ്റഡ് ഗെയിമിംഗ് എഞ്ചിൻ, ആക്റ്റീവ് കൂളിംഗ് സിസ്റ്റം, ടച്ച് സെൻസിറ്റീവ് ഷോൾഡർ ട്രിഗറുകൾ തുടങ്ങിയ ഫീച്ചറുകൾ ഉൾക്കൊള്ളുന്നു.

“ഒമാനിലെ വിപണി തികച്ചും വൈവിധ്യമാർന്നതാണ്. നുബിയ സ്മാർട്ട്ഫോണുകളുടെ ഈ വിപുലമായ വരവ് അതിന്റെ തെളിവാണ്. ഓരോ ഉപയോക്താവിനും അനുയോജ്യമായ മോഡലുകളാണ് ഞങ്ങൾ അവതരിപ്പിക്കുന്നത്.”ZTE മേഖലാ മാനേജർമാരായ വെൻയി ലിയോയും നാസിർ ഇംറാനും പറഞ്ഞു. 

പരീക്ഷാ സമയങ്ങളിലും അവധി ദിവസങ്ങളിലും ഇനി വൈദ്യുതിയും വെള്ളവും മുടങ്ങില്ല; പുതിയ നിയമവുമായി ഒമാൻ

ZTEയുടെ ഔദ്യോഗിക പങ്കാളിയായ മർജാൻ ഫോൺ വഴി പുതിയ മോഡലുകൾ ഒമാനിലെ പ്രധാന റീട്ടെയിൽ സ്റ്റോറുകളിലും ഓൺലൈൻ പ്ലാറ്റ്ഫോമുകളിലുമുള്ളതായി വ്യക്തമാക്കിയിട്ടുണ്ട്.

“ZTEയുമായി ചേർന്ന് ഈ ലോഞ്ച് നടത്തുന്നത്, ലോകോത്തര സാങ്കേതികവിദ്യ ഒമാനിലെ ഉപയോക്താക്കൾക്ക് എത്തിക്കുന്നതിൽ ഞങ്ങളുടെ പ്രതിബദ്ധതയാണ്.”മർജാൻ ഗ്രൂപ്പിന്റെ CEOയും സ്ഥാപകനുമായ സാഹിൽ എം.പി പറഞ്ഞു.
“ZTEയുടെ നൂതനത്വം, മർജാൻ ഗ്രൂപ്പിന്റെ ടെക്ക് അധിഷ്ഠിത വളർച്ചാ ദൗത്യത്തോടൊപ്പമാണെന്നാണ് ചെയർമാൻ കരൺ കുമാർ ഖത്രി അഭിപ്രായപെട്ടത്.

ZTE has officially launched its Nubia smartphone lineup in Oman, offering a range of models tailored to different user preferences and budgets. Discover the features, pricing, and availability of the latest Nubia devices.