ഇരിഞ്ഞാലക്കുട: നഗരസഭാ പരിധിയിലുള്ള കാരുകുളങ്ങരയിലെ നരസിംഹസ്വാമി ക്ഷേത്രത്തിന്റെ ഉടമസ്ഥാവകാശവുമായി ബന്ധപ്പെട്ടുണ്ടായ തർക്കത്തിൽ നാല് സ്ത്രീകൾക്ക് പരുക്കേറ്റു. ജലജ എസ് മേനോൻ, ബീന, ജയശ്രീ, സുമ കൊളത്തപ്പിള്ളി എന്നിവർക്കാണ് പരുക്കേറ്റത്. ഇവർ താലൂക്ക് ആശുപത്ര്യിൽ ചികിത്സയിലാണ്. സംഭവത്തിൽ പൊലിസിൽ പരാതി നൽകിയിട്ടുണ്ട്. ഇരിഞ്ഞാലക്കുട പൊലീസ് സംഭവ സ്ഥലത്തു എത്തുകയും ചെയ്തു.

കഴിഞ്ഞ ഒമ്പത് വർഷങ്ങളോളമായി ക്ഷേത്രത്തിന്റെ ഉടമസ്ഥാവകാശം ചാഴൂർ കോവിലകം 2956 നമ്പർ കാരു കുളങ്ങര എൻഎസ്എസ് കരയോഗത്തിനു കൈമാറിയിട്ടുള്ളത് ആണെന്നും എന്നാൽ കോവിലകത്തിന്റെ പേര് പറഞ്ഞുകൊണ്ട് ചില വ്യക്തികൾ ക്ഷേത്രഭരണം കൈക്കലാക്കാനും ലോക്കറും അക്കൗണ്ടും കൈകാര്യം ചെയ്യാൻ ശ്രമിക്കുകയാണെന്നും ഇതിൽ നടപടി എടുക്കണമെന്ന് ആവശ്യപ്പെട്ടുകൊണ്ട് കരയോഗം ഭാരവാഹികൾ നേരത്തെ തന്നെ പൊലിസിൽ പരാതി നൽകിയിരുന്നു. 

Dispute over temple ownership Four women injured