അഹമ്മദാബാദ്: 2025 ഐപിഎൽ ജേതാക്കൾ ആരാണെന്നറിയാൻ ഇനി മണിക്കൂറുകൾ മാത്രമേ ബാക്കിയുള്ളൂ. ഗുജറാത്തിലെ അഹമ്മദാബാദ് നരേന്ദ്രമോദി സ്റ്റേഡിയത്തിൽ ഇന്ന് നടക്കുന്ന കലാശ പോരാട്ടത്തിൽ റോയൽ ചലഞ്ചേഴ്സ് ബെംഗളൂരുവും പഞ്ചാബ് കിങ്സുമാണ് ഏറ്റുമുട്ടുന്നത്.

നീണ്ട 18 വർഷത്തെ കിരീടം വരച്ച അവസാനിപ്പിക്കാനാണ് ഇരു ടീമുകളും കളത്തിൽ ഇറങ്ങുന്നത്. ഇന്നത്തെ ഫൈനൽ പോരാട്ടത്തിൽ ഏത് ടീം വിജയിച്ചാലും പുതിയ ചാമ്പ്യന്മാരെ ആയിരിക്കും ഐപിഎല്ലിൽ ലഭിക്കുക. ക്വാളിഫയർ വണ്ണിൽ പഞ്ചാബിനെ വീഴ്ത്തിയാണ് ആർസിബി ഫൈനലിലേക്ക് യോഗ്യത നേടിയത്. മറുഭാഗത്ത് ക്വാളിഫയർ രണ്ടിൽ മുംബൈ ഇന്ത്യൻസിനെ തകർത്താണ് പഞ്ചാബ് ഫൈനൽ യോഗ്യത ഉറപ്പിച്ചത്.

ALSO READ: ഫൈനലിൽ 300 റൺസ് ജയിക്കാനാണെങ്കിലും അവൻ അടിച്ചെടുക്കും: മുൻ ഇന്ത്യൻ താരം

ഫൈനൽ പോരാട്ടത്തിൽ പഞ്ചാബ് ക്യാപ്റ്റൻ ശ്രേയസ് അയ്യരിനെ കാത്തിരിക്കുന്നത് ഒരു തകർപ്പൻ റെക്കോർഡാണ്. ഫൈനൽ പോരാട്ടത്തിൽ നാല് സിക്സുകൾ കൂടി നേടാൻ അയ്യരിന് സാധിച്ചാൽ. ഐപിഎല്ലിൽ ഒരു സീസണിൽ ഏറ്റവും കൂടുതൽ സിക്‌സറുകൾ നേടുന്ന ഇന്ത്യൻ താരമായി മാറാൻ അയ്യരിന് സാധിക്കും. 43 സിക്സുകൾ നേടിയ സൺറൈസേഴ്‌സ് ഹൈദരാബാദ് ഓപ്പണർ അഭിഷേക് ശർമ്മയാണ് ഈ നേട്ടത്തിൽ ഒന്നാം സ്ഥാനത്തുള്ളത്. 42 സിക്സുകളാണ് അഭിഷേക് ശർമ്മ കഴിഞ്ഞ സീസണിൽ അടിച്ചെടുത്തത്. ഈ സീസണിൽ ഇതിനോടകം തന്നെ 39 സിക്സുകളാണ് അയ്യർ നേടിയിട്ടുള്ളത്. നാല് സിക്സുകൾ കൂടി നേടിയാൽ അയ്യരിന് ഈ റെക്കോർഡ് കൈവരിക്കാം. 

സിക്സറിൽ മറ്റൊരു റെക്കോർഡും അയ്യർ ഈ സീസണിൽ സ്വന്തമാക്കിയിരുന്നു. ഒരു ഐപിഎൽ സീസണിൽ ഏറ്റവും കൂടുതൽ സിക്സറുകൾ നേടുന്ന ക്യാപ്റ്റനെന്ന നേട്ടം അയ്യർ നേരത്തെ സ്വന്തമാക്കിയിരുന്നു. 2016ൽ 38 സിക്സുകൾ നേടിയ ആർസിബി താരം വിരാട് കോഹ്‌ലിയെ മറികടന്നാണ് അയ്യർ ഈ നേട്ടം കൈവരിച്ചത്. 

രണ്ടാം ക്വാളിഫയർ പോരാട്ടത്തിൽ മുംബൈ ഇന്ത്യൻസിനെതിരെ മിന്നും പ്രകടനമാണ് അയ്യർ കാഴ്ചവെച്ചത്. മുംബൈക്കെതിരെ 41 പന്തിൽ 87 റൺസ് നേടിയാണ് പഞ്ചാബ് ക്യാപ്റ്റൻ തിളങ്ങിയത്. അഞ്ചു ഫോറുകളും എട്ട് കൂറ്റൻ സിക്സുകളും അടങ്ങുന്നതായിരുന്നു അയ്യരിന്റെ ഇന്നിംഗ്സ്.

മത്സരത്തിൽ അഞ്ചു വിക്കറ്റുകൾക്കാണ് അയ്യരും സംഘവും മുംബൈയെ തകർത്തത്. മത്സരത്തിൽ ആദ്യം ബാറ്റ് ചെയ്ത മുംബൈ ആറ് വിക്കറ്റ് നഷ്ടത്തിൽ 203 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ പഞ്ചാബ് 19 ഓവറിൽ അഞ്ചു വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു. 

shreyas iyer need 4 six to create a new record in IPL