ഷാര്‍ജ: ഷാര്‍ജയിലെ കടയുടമകള്‍ക്ക് സംസം വെള്ളം വില്‍ക്കുന്നതിനെതിരെ മുന്നറിയിപ്പുമായി ഷാര്‍ജ സിറ്റി മുനിസിപ്പാലിറ്റി. ചൊവ്വാഴ്ചയാണ് മുനിസിപ്പാലിറ്റി കടയുടമകള്‍ക്ക് മുന്നറിയിപ്പുമായി രംഗത്തെത്തിയത്. 

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ ഗതാഗതക്കുരുക്ക് ; അബൂദബിയിലേക്ക് പോകുന്നവർ ബദൽ റൂട്ടുകൾ ഉപയോ​ഗപ്പെടുത്തണമെന്ന് ദുബൈ പൊലിസ്

നഗരത്തിലെ എല്ലാ വാണിജ്യ സ്ഥാപനങ്ങളും സംസം വെള്ളം വ്യാപാരം ചെയ്യുന്നതില്‍ നിന്നും പ്രദര്‍ശിപ്പിക്കുന്നതില്‍ നിന്നും വില്‍ക്കുന്നതില്‍ നിന്നും കര്‍ശനമായി വിട്ടുനില്‍ക്കണമെന്ന് ഷാര്‍ജ സിറ്റി മുനിസിപ്പാലിറ്റി ആവശ്യപ്പെട്ടു.

പ്രാദേശിക വിപണികളില്‍ നിന്ന് സംസം വെള്ളം വാങ്ങുന്നത് ഒഴിവാക്കണമെന്ന് അതോറിറ്റി നഗരത്തിലെ എല്ലാ താമസക്കാരോടും അഭ്യര്‍ത്ഥിച്ചു.

ALSO READ: ഈ പെരുന്നാളവധി ആഘോഷമാക്കാൻ ഇതാ യുഎഇയിലെ മികച്ച ഇൻഡോർ ആകർഷണങ്ങൾ

ഷാര്‍ജയിലെ ഒരു റെസിഡന്‍ഷ്യല്‍ കെട്ടിടത്തില്‍ വെച്ച് സാധാരണ വെള്ളം കുപ്പിയിലാക്കി സംസം വെള്ളമാണെന്ന അവകാശവാദവുമായി വില്‍പ്പന നടത്തിയ ഒരാളെ അറസ്റ്റു ചെയതതിനു പിന്നാലെയാണ് മുനിസിപ്പാലിറ്റിയുടെ മുന്നറിയിപ്പ്.

ഒരു കെട്ടിടത്തില്‍ നിന്നും കുപ്പിവെള്ളം കയറ്റിപ്പോകുന്ന വാഹനങ്ങള്‍ അധികൃതരുടെ നിരീക്ഷിണത്തില്‍ കണ്ടെത്തിയിരുന്നു. തുടര്‍ന്ന് സ്ഥലത്ത് റെയ്ഡ് നടത്തുകയായിരുന്നു. റെയ്ഡിനിടെ, ഇവിടെ നിന്നും ആളുകളെ ഉദ്യോഗസ്ഥര്‍ പിടികൂടിയിരുന്നു.

ALSO READ: ദുബൈ: ഏതാനും വിഭാഗങ്ങൾക്ക് ബസുകളിൽ പ്രത്യേക സീറ്റുകൾ ഉൾപ്പെടുത്തുന്നതായി ആർടിഎ

വൃത്തിഹീനമായ സാഹചര്യങ്ങളില്‍ വെച്ച് കുപ്പികളില്‍ വെള്ളം നിറച്ച് സോഷ്യല്‍ മീഡിയ വഴി സംസം വെള്ളമെന്ന തരത്തിലാണ് ഇവര്‍ വില്‍പ്പന നടത്തിയിരുന്നത്. സംസം വെള്ളം എന്ന് ലേബല്‍ ചെയ്ത കാര്‍ട്ടണുകളും പ്ലാസ്റ്റിക് കുപ്പികളും അധികൃതര്‍ പിടിച്ചെടുത്തു. ഉയര്‍ന്ന വിലയ്ക്കാണ് ഇവര്‍ വെള്ളം വിറ്റിരുന്നത്. ഷാര്‍ജ മുനിസിപ്പാലിറ്റി പ്രതികള്‍ക്കെതിരെ നിയമ നടപടികള്‍ ആരംഭിച്ചിട്ടുണ്ട്.

Sharjah City Municipality has urged shopkeepers to stop selling Zamzam water, emphasizing its sacred significance and the importance of following UAE regulations.