അഹമ്മബാദ്: 18 വര്‍ഷം നീണ്ട കാത്തിരിപ്പിന് വിരാമമിടാന്‍ റോയല്‍ ചലഞ്ചേഴ്‌സ് ബംഗളൂരുവും പഞ്ചാബ് കിങ്‌സും ഇന്ന് ഏറ്റുമുട്ടും. ഇന്ന് നടക്കുന്ന ഐ.പി.എല്‍ ഫൈനലില്‍ ഇതോടെ പുതിയ കിരീട അവകാശികൾ ഉണ്ടാവുമെന്ന് ഉറപ്പാണ്. ഇരുടീമുകളും ഇതുവരെ ഐ.പി.എല്‍ കിരീടം നേടിയിട്ടില്ല. 

കിരീടപോരാട്ടത്തിന് മുന്നോടിയായി മത്സരത്തെക്കുറിച്ച് സംസാരിക്കുകയാണ് ആർസിബി നായകൻ രജത് പടിദാർ ഈ കിരീടം കോഹ്‌ലിക്ക് വേണ്ടി നേടാൻ ആഗ്രഹിക്കുന്നുവെന്നാണ് ആർസിബി നായകൻ പറഞ്ഞത്.

''വിരാട് കോഹ്‌ലിക്ക് വേണ്ടി ഐ‌പി‌എൽ ട്രോഫി നേടാൻ ഞങ്ങൾ ശ്രമിക്കും. അദ്ദേഹം ഇന്ത്യയ്ക്കും ആർ‌സി‌ബിക്കും വേണ്ടി ഒരുപാട് സംഭാവനകൾ ചെയ്തിട്ടുണ്ട്," രജത് പടിദാർ പറഞ്ഞു.

ALSO READ: ആദ്യ കിരീടം സ്വപ്നം കാണുന്ന ബാംഗ്ലൂരിന് തിരിച്ചടി! സൂപ്പർതാരം ഫൈനലിൽ കളിക്കില്ല; റിപ്പോർട്ട് സെമിയില്‍ പഞ്ചാബിനെ ഏക്ഷപക്ഷീയമായ മത്സരത്തില്‍ തകര്‍ത്താണ് ആര്‍സിബി ഫൈനലിലേക്ക് മുന്നേറിയത്. അതിലുപരി ഇത്തവണ എവേ മത്സരങ്ങളില്‍ അവരുടെ കരുത്ത് എടുത്ത്പറയേണ്ടതാണ്. ഈ സീസണില്‍ മൂന്നുതവണ ഇരുടീമുകളും ഏറ്റുമുട്ടിയപ്പോള്‍ രണ്ടുതവണ ജയം ബംഗളൂരുവിനൊപ്പമായിരുന്നു. ആര്‍.സി.ബിയുടെ തട്ടകമായ ചിന്നസ്വാമിയില്‍ മാത്രമാണ് പഞ്ചാബ് വിജയിച്ചത്. 

ബംഗളൂരുവിന്റെ ബാറ്റിങ്ങും ബൗളിങ്ങും ഒരുപോലെ കരുത്തുറ്റതാണ്. പഞ്ചാബിന് നേരിടാനുള്ളത് ജോഷ് ഹാസല്‍വുഡ് എന്ന പേസറെയാണ്. സെമിയില്‍ പഞ്ചാബിനെ തകര്‍ത്തതും ഹാസല്‍വുഡാണ്. സുയാഷ് ശര്‍മയെയും സമര്‍ത്ഥമായി ടീമിന് നേരിടേണ്ടി വരും. 

ബാറ്റിങ്ങ് നിരയിൽ വിരാട് കോഹ്‌ലിയും, ഫില്‍ സാള്‍ട്ടും വരുന്ന ഓപ്പണിങ് നിര പവര്‍പ്ലേയില്‍ വമ്പന്‍ സ്‌കോര്‍ നേടാന്‍ ബംഗളൂരുവിനെ സഹായിക്കും. മധ്യനിരയില്‍ രജത് പടിദാര്‍, ജിതേഷ് ശര്‍മ, ലിയാം ലിവിങ്സ്റ്റണ്‍, ടിം ഡേവിഡ് എന്നിവരുടെ കരുത്തുറ്റ സാന്നിധ്യവുമുണ്ട്.

ഐപിഎൽ ചരിത്രത്തിൽ പഞ്ചാബും ബംഗളുരുവും 36 മത്സരങ്ങളിൽ ആണ് പരസ്പരം ഏറ്റുമുട്ടിയിട്ടുള്ളത്. ഇരു ടീമുകളും 18 വിജയങ്ങളുമായി ഒപ്പത്തിനൊപ്പം ആണ് ഉള്ളത്. 

Rajat Patidar Talks about IPL 2025 Final