മുംബൈ: ശാരീരിക ബന്ധത്തിന് വിസമ്മതിച്ച ഭാര്യയെ തീക്കൊളുത്തി കൊല്ലാൻ ശ്രമം നടത്തി യുവാവ്. മുംബൈയിലെ ചെമ്പൂരിൽ താമസിക്കുന്ന ദിനേശ് അവ്ഹാദ് ആണ് ഭാര്യയെ കൊലപ്പെടുത്താൻ ശ്രമിച്ചത്. സംഭവത്തിൽ ഭാര്യ ഗുരുതരമായി പൊള്ളലേറ്റ് ചികിത്സയിൽ കഴിയുകയാണ്. സംഭവത്തിൽ വധശ്രമം ഉൾപ്പെടെയുള്ള വകുപ്പുകൾ ചുമത്തി ദിനേശിനെ പൊലിസ് അറസ്റ്റ് ചെയ്തു. വെള്ളിയാഴ്ച വൈകിട്ട് ആയിരുന്നു സംഭവം നടന്നത്. 

ഭാര്യ ജോലിക്ക് പോകാൻ തയ്യാറെടുക്കുന്ന സമയത്തായിരുന്നു ദിനേശ് ശാരീരിക ബന്ധത്തിന് ശ്രമിച്ചത്. ഈ സമയത്ത് ജോലിക്ക് പോകാൻ വൈകുമെന്നതിനാൽ ഭാര്യ വിസമ്മതിക്കുകയായിരുന്നു. തുടർന്ന് ഇരുവരും തർക്കത്തിൽ ഏർപ്പെടുകയും ഭാര്യ വീട്ടിൽ ഉണ്ടായിരുന്ന മണ്ണെണ്ണ സ്വയം ദേഹത്ത് ഒഴിക്കുകയായിരുന്നു. ദിനേശ് സ്റ്റൗവിൽ നിന്നും കടലാസ് കത്തിച്ച് ഭാര്യയുടെ ദേഹത്തേക്ക് എറിയുകയായിരുന്നു.

ഇതാണ് പൊള്ളലിന് കാരണമായതെന്നാണ്  പൊലിസ് അറിയിച്ചത്. യുവതിയുടെ പരാതിയുടെ അടിസ്ഥാനത്തിലാണ് ഭാരതീയ ന്യായ സംഹിതാ വകുപ്പുകൾ പ്രകാരം കൊലപാതകശ്രമം ഉൾപ്പെടെയുള്ള കുറ്റങ്ങൾ ചുമത്തി യുവാവിനെ അറസ്റ്റ് ചെയ്തതെന്നും പൊലിസ് പറഞ്ഞു.

Man arrested for trying to set wife on fire in Mumbai