ഭുവനേശ്വർ: ഒഡിഷയിലെ നബരംഗ്‌പൂർ ജില്ലയിൽ പുതുതായി നിർമ്മിച്ച സെപ്റ്റിക് ടാങ്കിൽ ഇറങ്ങിയ നാല് പേർക്ക് ദാരുണാന്ത്യം. ടാങ്കിൽ ഇറങ്ങിയ മൂന്ന് തൊഴിലാളികളും അവരെ രക്ഷിക്കാൻ ശ്രമിച്ച മറ്റൊരു വ്യക്തിയും വിഷവാതകം ശ്വസിച്ച് മരണപ്പെടുകയായിരുന്നു.

പത്തടി നീളവും വീതിയുമുള്ള സെപ്റ്റിക് ടാങ്കിന്റെ സെൻട്രൽ സ്ലാബ് തുറന്ന് അതിനുള്ളിൽ ഇറങ്ങിയപ്പോഴാണ് അപകടം സംഭവിച്ചത്. ആദ്യം ഇറങ്ങിയ രണ്ട് തൊഴിലാളികൾക്ക് എതാനും മിനിറ്റുകൾക്കുള്ളിൽ ശ്വാസതടസം അനുഭവപ്പെട്ടതോടെ, ഒരു സഹപ്രവർത്തകൻ ഇവരെ രക്ഷിക്കാനായി ടാങ്കിലേക്ക് ഇറങ്ങുകയായിരുന്നു. പിന്നീട്, ഇവരുടെ നിലവിളി കേട്ട് സമീപത്ത് നിന്നിരുന്ന ഒരാൾ കൂടി രക്ഷപെടുത്തുിന്നതിനായി ടാങ്കിലേക്ക് ചാടുകയായിരുന്നു.

വിവരം ലഭിച്ച ഉടൻ അഗ്നിശമന സേന എത്തി നാലുപേരെയും പുറത്തെടുത്തു. എന്നാൽ ആശുപത്രിയിലെത്തിച്ചപ്പോൾ മൂന്ന് പേരും മരിച്ചിരുന്നുവെന്നും നാലാമത്തെയാൾ തീവ്രപരിചരണ വിഭാഗത്തിൽ ചികിത്സയിലിരിക്കെ മരിച്ചതായും അധികൃതർ വ്യക്തമാക്കി.

തൊഴിലാളികൾ ജീവൻ രക്ഷാ ഉപകരണങ്ങളില്ലാതെയും ഓക്സിജൻ സപ്പോർട്ടില്ലാതെയും ടാങ്കിൽ ഇറങ്ങിയതായി നാട്ടുകാർ പറഞ്ഞു. ഇതോടെ അനുമതികളും സുരക്ഷാ മാനദണ്ഡങ്ങളും ലംഘിച്ചുണ്ടായ അപകടം എന്ന രീതിയിലാണ് പ്രാഥമിക വിലയിരുത്തൽ. സംഭവത്തിൽ പോലീസ് അന്വേഷണം ആരംഭിച്ചു. യഥാർത്ഥ മരണകാരണം വ്യക്തമാക്കാൻ പോസ്റ്റ്മോർട്ടം റിപ്പോർട്ട് ലഭിക്കേണ്ടതുണ്ടെന്ന് അധികൃതർ അറിയിച്ചു.

In Odisha's Nabarangpur district, four men died after inhaling toxic gas inside a newly constructed septic tank. Two workers entered the tank and began suffocating, prompting another worker and a bystander to attempt rescue. All four were later found unconscious and declared dead at the hospital. None had proper safety gear or oxygen support. Authorities have launched an investigation.