ദുബൈ: വേനല്‍ക്കാലത്തിന് തുടക്കമായതോടെ യുഎഇയിലും മറ്റു ഗള്‍ഫ് രാജ്യങ്ങളിലും താപനില കുതിച്ചുയരുകയാണ്. ഇതിന്റെ ഭാഗമായി നേരത്തേ കുവൈത്തും ഒമാനും മദ്ധ്യഹ്ന സമയത്തെ പുറംജോലികള്‍ക്ക് വിലക്കേര്‍പ്പെടുത്തിയിരുന്നു.

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ ഗതാഗതക്കുരുക്ക് ; അബൂദബിയിലേക്ക് പോകുന്നവർ ബദൽ റൂട്ടുകൾ ഉപയോ​ഗപ്പെടുത്തണമെന്ന് ദുബൈ പൊലിസ്

ചൂട് കനത്തതോടെ ജൂണ്‍ 15 മുതല്‍ ഉച്ച സമയത്തെ പുറംജോലികള്‍ക്ക് വിലക്കേര്‍പ്പെടുത്തിയിരിക്കുകയാണ് യുഎഇയും. രാജ്യത്തെ തൊഴിലാളികള്‍ക്ക് ആശ്വാസം പകരുന്ന പ്രഖ്യാപനമാണിതെന്ന് തൊഴിലാളികള്‍ പറഞ്ഞു. 

ജൂണ്‍ 15 മുതല്‍ മൂന്ന് മാസത്തേക്കാണ് രാജ്യത്ത് നേരിട്ട് സൂര്യപ്രകാശം ഏല്‍ക്കുന്ന തരത്തില്‍ പുറത്ത് ജോലി ചെയ്യുന്നത് നിരോധിച്ചിരിക്കുന്നത്. വേനല്‍ക്കാലത്തെ കൊടും ചൂടില്‍ നിന്നും തൊഴിലാളികളെ സംരക്ഷിക്കുന്നതിനായി അവതരിപ്പിച്ച ഈ ഉച്ചവിശ്രമ സംരംഭം 21-ാം വര്‍ഷത്തിലേക്കാണ് കടക്കുന്നത്.

അധികൃതരുടെ അറിയിപ്പ് പ്രകാരം, സെപ്റ്റംബര്‍ 15 വരെ ചൂടേറിയ സമയത്ത് കമ്പനികള്‍ തൊഴിലാളികള്‍ക്ക് പുറത്തെ ജോലികളില്‍ നിന്ന് ഇടവേള നല്‍കണം.

നിരോധിത സമയങ്ങളില്‍ തൊഴിലാളികള്‍ ജോലി ചെയ്യുന്നില്ലെന്ന് ഉറപ്പാക്കാന്‍ മാനവ വിഭവശേഷി, സ്വദേശിവല്‍ക്കരണ മന്ത്രാലയം പ്രത്യേക പരിശോധനാ സംഘങ്ങളെ നിയോഗിച്ച് നിരീക്ഷണം നടത്തും.

ALSO READ: യുഎഇ പ്രവാസികൾ കൂട്ടത്തോടെ നാട്ടിലേക്ക്, ടിക്കറ്റിന് വൻ ഡിമാൻ്റ്; കുറഞ്ഞ നിരക്കിൽ ടിക്കറ്റ് കിട്ടാനുള്ള ടിപ്സ് വെളിപ്പെടുത്തി ഏജൻ്റുമാർ

നിയമം ലംഘിക്കുന്ന കമ്പനികള്‍ക്ക് ഒരു തൊഴിലാളിക്ക് 5,000 ദിര്‍ഹം വീതം പിഴയും ഒന്നിലധികം തൊഴിലാളികള്‍ ഉള്‍പ്പെട്ടാല്‍ പരമാവധി 50,000 ദിര്‍ഹം വരെയും പിഴ ചുമത്തും.

In a move to safeguard laborers from extreme heat, the UAE has announced a midday work ban effective from June 15. Outdoor work will be restricted during peak afternoon hours, offering much-needed relief and ensuring worker health and safety during the summer months.