ഓസ്‌ലോ:നോർവേ ഓപ്പൺ ചെസിന്റെ ആറാം റൗണ്ടിൽ ലോക ഒന്നാം നമ്പർ താരം മാഗ്നസ് കാൾസനെ തോൽപ്പിച്ച് ഇന്ത്യയുടെ ലോക ചാമ്പ്യൻ – ഡി. ഗുകേഷ് – ക്ലാസിക്കൽ ചെസ്സിൽ ചരിത്രം കുറിച്ചു. വെളുത്ത കരുക്കളോടെ കളിച്ച ഗുകേഷ്, ആദ്യഘട്ടത്തിൽ കാൾസന്റേ മേധാവിത്വത്തിന് മുന്നിൽ കീഴടങ്ങുമെന്നാണ് തോന്നിച്ചിരുന്നത് എന്നാൽ അവസാനം കാൾസന് വന്ന  ഒരു ചെറിയ പിഴവ് നന്നായി മുതലെടുത്ത് ഗുകേഷ്  വിജയം സ്വന്തമാക്കുകയായിരുന്നു.

ഇത് ക്ലാസിക്കൽ ഫോർമാറ്റിൽ കാൾസനെതിരെ ഗുകേഷ് നേടുന്ന ആദ്യ വിജയം കൂടിയാണ്. ഗെയിമിന്റെ തുടക്കത്തിൽ ആധിപത്യം കാൾസനായിരുന്നു, എന്നാൽ അവസാനം സമയമിസ്മാന്റിലൂടെ മത്സരത്തിൽ വഴിത്തിരിവ് സംഭവിച്ചു. തോൽവിക്ക് ശേഷം കാൾസൻ ചെസ് ബോർഡിൽ ആഞ്ഞടിച്ചശേഷം മുറി വിട്ടിറങ്ങി. മത്സരശേഷം അദ്ദേഹത്തിന്റെ ഈ പ്രവൃത്തി വിവാദമായിരിക്കുകയാണ്.

മുൻപ് കാൾസൻ തന്നെ ഗുകേഷിന്റെ ക്ലാസിക്കൽ പ്രകടനങ്ങളെ കുറിച്ച് വിമർശിച്ചിരുന്നത് ശ്രദ്ധേയമായിരുന്നു. "രാജാവിനെതിരെയാണ് നീ കളിക്കുന്നത്; ഒരു ചുവടും പിഴക്കരുത്" എന്നായിരുന്നു കാൾസൻ  മുമ്പ് ഗുകേഷിനെതിരെ നടത്തിയ പരാമർശം – അതിനുള്ള  മറുപടി പോലെയായിരുന്നു ഈ വിജയം.

കഴിഞ്ഞ വർഷവും  ഇന്ത്യൻ താരമായ ആർ. പ്രഗ്നാനന്ദ, കാൾസനെ അവരുടെ സ്വന്തം തട്ടകത്തിൽ തോൽപ്പിച്ചിരുന്നു. ഗുകേഷിന്റെ ഈ വിജയം അതിനു തുടർച്ചയാകുകയായിരുന്നു. മത്സരത്തിൽ ഗുകേഷ് പ്രതിരോധം ഉറപ്പിച്ചതും, അവസരം കൃത്യമായി ഉപയോഗിച്ചതുമാണ് വിജയം ഉറപ്പിച്ചത്.

 കാൾസന് ക്ലാസിക്കൽ ഗെയിമിൽ തോൽവി സംഭവിക്കുന്നത് അപൂർവമാണ്, അതുകൊണ്ടുതന്നെ ഈ തോൽവി അദ്ദേഹത്തിന് കനത്ത ആഘാതമായതായും മുൻ ചാമ്പ്യൻ സൂസൻ പോൾഗാർ വിലയിരുത്തി.

Indian chess prodigy D Gukesh achieved a historic milestone by defeating World No. 1 Magnus Carlsen in the sixth round of the Norway Chess tournament. Despite Carlsen dominating the early stages of the classical game, a critical blunder in the endgame allowed Gukesh to clinch his first-ever classical win over the Norwegian legend. Carlsen, known for his composure, showed visible frustration post-match, slamming the board before walking out. This marks the second consecutive year an Indian has beaten Carlsen in classical chess, following R Praggnanandhaa’s victory in 2023.