ബെംഗളൂരു: ബെംളൂരുവിൽ പെൺകുട്ടിയുടെ മൃതദേഹം സ്യൂട്ട് കേസിൽ കണ്ടെത്തിയ സംഭവത്തിലെ എല്ലാ പ്രതികളും പിടിയിലായി. ഏഴ് പ്രതികളെ പിടികൂടിയെന്നാണ് ബെംഗളൂരു സൂര്യനഗർ പൊലിസ് സ്ഥിരീകരിച്ചത്. പൊലിസ് ബീഹാറിൽ എത്തി പ്രതികളെ പിടികൂടുകയായിരുന്നു. 

ബംഗളൂരുവിലെ ചന്ദാപ്പുര റെയിൽവേ പാലത്തിന് താഴെ നീല സ്യൂട്ട് കേസിനുള്ളിൽ ആയിരുന്നു പെൺകുട്ടിയുടെ മൃതദേഹം കണ്ടെത്തിയിരുന്നത്. മെയ് 21നായിരുന്നു സംഭവം നടന്നത്. സ്യൂട്ട് കേസിൽ ട്രെയിനിൽ നിന്നും പെൺകുട്ടിയുടെ മൃതദേഹം വലിച്ചെറിഞ്ഞ രീതിയിലായിരുന്നു ഉണ്ടായിരുന്നത്. സ്യൂട്ട് കേസിൽ നിന്നും മറ്റു തെളിവുകൾ ഒന്നും ലഭിച്ചിട്ടില്ല. സംഭവത്തിൽ ബീഹാർ സ്വദേശിയായ 17കാരിയാണ് മരിച്ചതെന്ന് പിന്നീട് തിരിച്ചറിയുകയായിരുന്നു.

സംഭവത്തിലെ പ്രതികൾ ബീഹാറിലെ നവാദ ജില്ലയിലുള്ളവരാണ്. പ്രതികളുടെ പേരും മറ്റു വിവരങ്ങളും പൊലിസ് ഇതുവരെ പുറത്തുവിട്ടിട്ടില്ല. മറ്റൊരു സ്ഥലത്ത് വെച്ച് പെൺകുട്ടിയെ കൊലപ്പെടുത്തിയതിനു ശേഷം സ്യൂട്ട് കേസിലാക്കി ട്രെയിനിൽ കയറ്റി കൊണ്ടുവന്ന് വലിച്ചെറിയുകയായിരുന്നു എന്നാണ് ബംഗളൂരു റൂറൽ എസ്പി അറിയിച്ചത്. ഇവർ ഈ കൊല ചെയ്തതിന്റെ കാരണം കണ്ടെത്താനുള്ള ചോദ്യം ചെയ്യൽ പുരോഗമിച്ചുകൊണ്ടിരിക്കുകയാണ്. പ്രതികളെ ബെംഗളൂരുവിലേക്ക് കൊണ്ടുവരുമെന്നും പോലീസ് അറിയിച്ചു

Seven accused arrested in connection with the incident of throwing the body of a 17-year-old girl from a train in a suit case