തിരുവനന്തപുരം:പ്രമുഖ ഫുട്ബോൾ താരം ലയണൽ മെസിയുടെയും അർജന്റീന ഫുട്ബാൾ ടീമിന്റെയും കേരള സന്ദർശനവുമായി ബന്ധപ്പെട്ട് ഒട്ടേറെ അഭ്യൂഹങ്ങൾ നിലനിൽക്കുന്ന സാഹചര്യത്തിൽ, കായിക മന്ത്രി വി. അബ്ദുറഹ്മാൻ വിശദീകരണവുമായി രംഗത്തെത്തി. ഒക്ടോബർ-നവംബർ മാസങ്ങളിൽ അർജന്റീന ടീം കേരളത്തിലെത്തുമെന്ന് പ്രതീക്ഷിക്കുന്നതായി മന്ത്രി പറഞ്ഞു. ഇതിനായി സ്പോൺസർമാർ ആവശ്യമുള്ള തുക അടച്ചുകഴിഞ്ഞതായും അദ്ദേഹം വ്യക്തമാക്കി.

 അർജന്റീന ടീമിന്റെ മാനേജ്‌മെന്റ് അംഗങ്ങൾ  കേരളം സന്ദർശിച്ചതിനു ശേഷം മറ്റു കാര്യങ്ങൾ നിശ്ചയിക്കപ്പെടുമെന്ന് മന്ത്രി വ്യക്തമാക്കി. മത്സരങ്ങൾക്ക് പ്രഥമ പരിഗണന തിരുവനന്തപുരം സ്റ്റേഡിയത്തിനായിരിക്കുമെന്നും, കൊച്ചിയെയും പരിഗണിക്കുന്നതായും അറിയിച്ചു. സ്റ്റേഡിയം ഒരുക്കാനുള്ള സാധ്യതകളും സർക്കാർ പരിശോധിക്കുന്നുണ്ട്.

വിശദമായ പശ്ചാത്തലം:

2022ലെ ഖത്തർ ലോകകപ്പിൽ കിരീടം നേടിയ അർജന്റീന ടീമിന് കേരളത്തിൽ നിന്നുണ്ടായ വൻ പിന്തുണയ്ക്കുള്ള നഅർജന്റീന ഫുട്ബാൾ അസോസിയേഷൻ ന്ദി അറിയിച്ചിരുന്നു.  ഇതേ തുടർന്നാണ് കേരള സർക്കാരും ഫുട്ബാൾ അസോസിയേഷനും ചേർന്ന് ടീമിനെ ക്ഷണിക്കാൻ നടപടികൾ ആരംഭിച്ചത്.

ചെലവ് കൂടിയതാണ് പ്രതിസന്ധി:

എങ്കിലും സൂപ്പർ താരങ്ങളടങ്ങിയ അർജന്റീന ടീമിനെ ഇന്ത്യയിലെത്തിക്കാൻ വലിയ ചെലവാണ് സർക്കാരിന് മുന്നിൽ ഉണ്ടായിരുന്നത്. റിപ്പോർട്ടർ ബ്രോഡ്‌കാസ്റ്റിംഗ് എന്ന സ്വകാര്യ സ്ഥാപനമാണ് ഇത് ഏറ്റെടുത്തത്. കരാർ അനുസരിച്ച് 45 ദിവസത്തിനകം പകുതി തുക അടയ്ക്കേണ്ടതായിരുന്നുവെങ്കിലും, സ്പോൺസർ ഈ വ്യവസ്ഥ പാലിച്ചില്ലെന്ന് റിപ്പോർട്ടുകൾ വ്യക്തമാക്കുന്നു. പിന്നീട് സമയാവധിയും നൽകിയെങ്കിലും അവയും പാലിക്കപ്പെട്ടില്ല.

ഇതൊക്കെയായി അർജന്റീന ടീമിന്റെ സൗഹൃദ മത്സങ്ങളുടെ പുതിയ ഷെഡ്യൂൾ പുറത്തിറങ്ങി. ഇതനുസരിച്ച്, ഒക്ടോബറിൽ ടീം ചൈനയിൽ രണ്ട് മത്സരങ്ങൾ കളിക്കും. അതേസമയം, 2024-ൽ അർജന്റീന ടീം ഇന്ത്യ സന്ദർശിക്കില്ലെന്നതിൽ അനിശ്ചിതത്വം തുടരുകയാണ്.

Sponsors have paid Messi and his team are likely to arrive in October-November Minister clarifies