തിരുവനന്തപുരം: റെയില്‍വേയുടെ മണ്‍സൂണ്‍കാല ഷെഡ്യൂള്‍ പ്രകാരം കൊങ്കണ്‍ വഴിയുള്ള പുതുക്കിയ സമയക്രമം ജൂണ്‍ 15 മുതല്‍ പ്രാബല്യത്തില്‍ വരും. 128 ദിവസത്തേക്ക് 42 ട്രെയിന്‍ സര്‍വിസുകള്‍ക്കാണ് പുതിയ സമയക്രമം. ഒക്ടോബര്‍ 20 വരെയാകും പുതിയ സമയക്രമം ബാധകമാവുക.

കേരളത്തില്‍ നിന്ന് കൊങ്കണ്‍ വഴിയുള്ള സര്‍വിസുകളില്‍ വരുന്ന സമയ മാറ്റം.

എറണാകുളം ജങ്ഷന്‍ -പുനെ സൂപ്പര്‍ഫാസ്റ്റ്, എറണാകുളം ജങ്ഷന്‍ - നിസാമുദ്ദീന്‍ സൂപ്പര്‍ഫാസ്റ്റ് എന്നീ ട്രെയിനുകള്‍ 02.15നാണ് പുറപ്പെടുക (നിലവിലെ സമയം 05.15).

തിരുവനന്തപുരം നോര്‍ത്ത് (കൊച്ചുവേളി) -ഋഷികേശ്, തിരുവനന്തപുരം നോര്‍ത്ത് (കൊച്ചുവേളി) -ചണ്ഡീഗഢ് സമ്പര്‍ക്ക് ക്രാന്തി എന്നിവ 04.50നാണ് പുറപ്പെടുക (നിലവിലെ സമയം 09.10).

തിരുനെല്‍വേലി - ഹാപ്പ, തിരുനെല്‍വേലി - ഗാന്ധിധാം എന്നിവ 05.05ന് പുറപ്പെടുന്നതാണ് (നിലവിലെ സമയം 08.00).

തിരുവനന്തപുരം നോര്‍ത്ത് (കൊച്ചുവേളി)- ലോക്മാന്യ തിലക് ഗരീബ്‌രഥ് - 9.10ന് പുറപ്പെടുന്നതാണ് (നിലവിലെ സമയം07.45).

തിരുവനന്തപുരം നോര്‍ത്ത് (കൊച്ചുവേളി) - ഇന്ദോര്‍ സൂപ്പര്‍ഫാസ്റ്റ്, തിരുവനന്തപുരം നോര്‍ത്ത് (കൊച്ചുവേളി) - പോര്‍ബന്തര്‍ സൂപ്പര്‍ഫാസ്റ്റ് എന്നിവ - 09.10നും യാത്ര ആരംഭിക്കും (നിലവിലെ സമയം 11.15).

എറണാകുളം ജങ്ഷന്‍ - നിസാമുദ്ദീന്‍ മംഗള്‍ദീപ് എക്‌സ്പ്രസ് 10.30നും (നിലവിലെ സമയം 13.25) എറണാകുളം ജങ്ഷന്‍ - മഡ്ഗാവ് സൂപ്പര്‍ഫാസ്റ്റ് 13.25നും യാത്രയാരംഭിക്കും (നിലവിലെ സമയം10.40).

തിരുവനന്തപുരം സെന്‍ട്രല്‍- നിസാമുദ്ദീന്‍ രാജധാനി എക്‌സ്പ്രസ് 14.40ന് പുറപ്പെടും (നിലവിലെ സമയം 19.15). 

എറണാകുളം ജങ്ഷന്‍ - അജ്മിര്‍ മരുസാഗര്‍ എക്‌സ്പ്രസ് 18.50ന് പുറപ്പെടുന്നതാണ് (നിലവിലെ സമയം 20.25). 

തിരുവനന്തപുരം സെന്‍ട്രല്‍ -നിസാമുദ്ദീന്‍ സൂപ്പര്‍ഫാസ്റ്റ് (ശനിയാഴ്ച) 22.00ന് യാത്ര പുറപ്പെടും (നിലവിലെ സമയം 00.50).