വാഷിംഗ്ടൺ: പാകിസ്താന്റെ കൈവശമുള്ള എണ്ണ ശേഖരം വികസിപ്പിക്കാൻ യുഎസ് തയ്യാറാണെന്ന് പ്രസിഡന്റ് ഡൊണാൾഡ് ട്രംപ്. സാമൂഹിക മാധ്യമ ഫ്ലാറ്റ്ഫോമായ ട്രൂത്ത് സോഷ്യലിലെ ഒരു പോസ്റ്റിലൂടെയാണ് ട്രംപ് ഇക്കാര്യം പുറത്തുവിട്ടത്. ഈ വിഷയത്തിൽ പാകിസ്താനെ സഹായിക്കുന്നതിനായി ഒരു കരാർ ഒപ്പിട്ടതായും ഡൊണാൾഡ് ട്രംപ് വ്യക്തമാക്കി.

എന്നാൽ ഇതുവരെ കരാർ പ്രകാരം ഏത് കമ്പനിക്കാണ് ചുമതല നൽകേണ്ടത് എന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്നും ട്രംപ് പറഞ്ഞു. ഈ നീക്കം ഒടുവിൽ പാക്കിസ്താൻ ഇന്ത്യയിലേക്ക് എണ്ണ കയറ്റുമതി ചെയ്യുന്നതിലേക്ക് നയിച്ചേക്കാമെന്നും ട്രംപ് അഭിപ്രായപ്പെട്ടു. റഷ്യയിൽ നിന്നും വിലകുറഞ്ഞ എണ്ണ വാങ്ങിയതിന് പിന്നാലെ ഇന്ത്യയ്ക്ക് 25 ശതമാനം തീരുവയും പിഴയും പ്രഖ്യാപിച്ചതിന് പിന്നാലെയാണ് പാകിസ്താനുമായി ട്രംപ് കരാർ ഒപ്പിട്ടതായി അറിയിച്ചത്. ട്രംപിന്റെ ഈ നീക്കം ഇന്ത്യക്ക് വലിയ തിരിച്ചടിയായിരിക്കും നൽകുക. 

"പാക്കിസ്താനുമായി ഞങ്ങൾ ഒരു കരാർ ഒപ്പിട്ടു. അതിലൂടെ പാക്കിസ്താനും അമേരിക്കയും അവരുടെ വമ്പിച്ച എണ്ണ ശേഖരം വികസിപ്പിക്കുന്നതിനായി ഒന്നിച്ച് പ്രവർത്തിക്കും.  അതിനു നേതൃത്വം നൽകാൻ ഒരു എണ്ണ കമ്പനിയെ ഞങ്ങൾ തീരുമാനിക്കും.  ആർക്കറിയാം ഒരു പക്ഷേ അവർ ഒരു ദിവസം ഇന്ത്യക്ക് എണ്ണ വിറ്റേക്കും" ഡൊണാൾഡ് ട്രംപ് കുറിച്ചു.

 നേരത്തെ ഇന്ത്യയിൽ നിന്നും അമേരിക്കയിലേക്ക് കയറ്റി അയക്കുന്ന ചക്കുകൾക്ക് ട്രംപ് രണ്ട് ശതമാനം തീരുവയാണ് ചുമത്തിയിരുന്നത്.

USA signs deal with Pakistan Donald Trump says Pakistan will one day sell oil to India