ക്രിസ്റ്റ്യാനോ റൊണാൾഡോ, ലയണൽ മെസി ഇവരിൽ ആരാണ് ഏറ്റവും മികച്ച താരം എന്നത് ഫുട്ബോൾ ലോകത്ത് രണ്ട് പതിറ്റാണ്ടുകളായി സജീവമായി നിലനിൽക്കുന്ന ചർച്ചാവിഷയമാണ്. ഇപ്പോൾ ഗോട്ട് ഡിബേറ്റിൽ തന്റെ അഭിപ്രായം പറഞ്ഞിരിക്കുകയാണ് മുൻ പോർച്ചുഗീസ് താരം നാനി. മെസിയെ താൻ ബഹുമാനിക്കുന്നുണ്ടെന്നും എന്നാൽ റൊണാൾഡോയാണ് മികച്ചവൻ എന്നാണ് നാനി അഭിപ്രായപ്പെടുന്നത്. ഒബി വൺ പോഡ്കാസ്റ്റിന് നൽകിയ അഭിമുഖത്തിൽ സംസാരിക്കുകയായിരുന്നു മുൻ പോർച്ചുഗൽ താരം. 

"ഇപ്പോൾ നിങ്ങൾ റൊണാൾഡോയെ കുറിച്ച് ചിന്തിക്കാൻ തുടങ്ങിയാൽ ആരും അവന്റെ കളികാണാൻ ഇഷ്ടപ്പെടില്ല. കാരണം അവർ പറയും റൊണാൾഡോ വെറുതെ പന്തിനെ തൊട്ട് കോണ്ട് ഗോളുകൾ നേടുകയാണെന്ന്. എന്നാൽ ഇത് ശരിയല്ല. റൊണാൾഡോക്ക് ഇപ്പോൾ 40 വയസ്സായി. അവൻ ചെറുപ്പകാലത്തിൽ എങ്ങനെയായിരുന്നു ഉണ്ടായിരുന്നതെന്നാണ് നിങ്ങൾ കാണേണ്ടത്. പരിശീലനത്തിൽ അവൻ പുറത്തെടുത്ത കാര്യങ്ങൾ അവിശ്വസിനീയമാണ്. അതുകൊണ്ട് എന്റെ അഭിപ്രായത്തിൽ ഫുട്ബോളിലെ ഏറ്റവും മികച്ചവൻ റൊണാൾഡോ ആണ്. ഞാൻ മെസിയെ ബഹുമാനിക്കുന്നു. കാരണം അവനും ഈ ലോകത്തിലെ മികച്ച പ്രതിഭയാണ്. ഇവർ രണ്ടുപേരും ഒരേ തലമുറയിൽ ആയിരിക്കുന്നതും അവരുടെ മത്സരങ്ങൾ നേരിട്ട് കാണാൻ കഴിയുന്നതും നമ്മുടെയെല്ലാം ഭാഗ്യമാണ്" നാനി പറഞ്ഞു.

റൊണാൾഡോ സഊദി പ്രൊ ലീഗ് ക്ലബായ അൽ നസറിന്റെ താരവുമാണ്. റൊണാൾഡോയുടെ വരവിന് പിന്നാലെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. അൽ നസറിന് വേണ്ടി ഇതുവരെ തകർപ്പൻ പ്രകടനങ്ങളാണ് റൊണാൾഡോ നടത്തിക്കൊണ്ടിരിക്കുന്നത്. അൽ നസറിനായി 99 ഗോളുകളാണ് റൊണാൾഡോ നേടിയിട്ടുള്ളത്. 

മറുഭാഗത്ത് അമേരിക്കൻ ക്ലബ് ഇന്റർ മയമിക്ക് വേണ്ടിയാണ് മെസി കളിക്കുന്നത്. മയാമിക്കൊപ്പം മിന്നും പ്രകടനമാണ് മെസി നടത്തിക്കൊണ്ടിരിക്കുന്നത്. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഈ വർഷം ഡിസംബർ വരെയാണ് ഇന്റർ മയാമിക്കൊപ്പമുള്ള മെസിയുടെ കരാർ അവസാനിക്കുന്നത്.

Former Portuguese star Nani has expressed his opinion on the Goat Debate