ദുബൈ: ഇറാനുംഇസ്റാഈലും തമ്മിലുള്ള സംഘർഷം അമേരിക്കയുടെ പങ്കാളിത്തത്തോടുകൂടി കൂടുതൽ സങ്കീർണവും ഭീഷണിപൂരിതവുമാകുന്ന പശ്ചാത്തലത്തിൽ, യുണൈറ്റഡ് അറബ് എമിറേറ്റ്സ് (യുഎഇ) ഗൗരവമായ ആശങ്ക പ്രകടിപ്പിച്ചു. ഇറാനിയൻ ആണവ കേന്ദ്രങ്ങൾ ലക്ഷ്യമാക്കി ആക്രമണം നടത്തിയതോടെ തുടർന്നുണ്ടവുന്ന അതിന്റെ  ഗുരുതരമായ പ്രത്യാഘാതങ്ങൾ ഒഴിവാക്കാൻ യുദ്ധം അവസാനിപ്പിക്കണമെന്ന ആവശ്യമാണ് യുഎഇ മുന്നോട്ടുവച്ചത്.

പശ്ചിമേഷ്യൻ മേഖലയിലെ സ്ഥിരതയ്ക്ക് ഭീഷണിയായ ഏത് നടപടികളും ഒഴിവാക്കേണ്ടതാണെന്നും നയതന്ത്ര മാർഗ്ഗത്തിലൂടെയാണ് പ്രശ്നപരിഹാരമെന്ന് യുഎഇ വ്യക്തമാക്കി. ശക്തമായ അന്താരാഷ്ട്ര ഇടപെടലുകൾക്കാണ് ഇപ്പോഴത്തെ ഘട്ടത്തിൽ ആവശ്യകതയുള്ളതെന്ന് യുഎഇയുടെ ഔദ്യോഗിക പ്രസ്താവനയിൽ പറയുന്നു.

“മേഖലയെയും അവിടുത്തെ ജനങ്ങളെയും ഭീകര പ്രത്യാഘാതങ്ങളിൽ നിന്ന് സംരക്ഷിക്കേണ്ടത് അന്താരാഷ്ട്ര സമൂഹത്തിന്റെ കടമയാണ്. നാശം വിതയ്ക്കുന്ന കടുത്ത നടപടികൾ ഒഴിവാക്കി സമാധാനപരമായ വഴികൾ അന്വേഷിക്കണം,” – യുഎഇയുടെ സന്ദേശം ഇങ്ങനെയായിരുന്നു.

ഇറാൻ-ഇസ്റാഈൽ സംഘർഷം മൂലം പടിഞ്ഞാറൻ ഏഷ്യയിൽ ഭീകര സാഹചര്യങ്ങൾ വളരാതിരിക്കാൻ അടിയന്തരമായ ഉന്നതതല ഇടപെടലുകൾ നടത്തണമെന്ന് യുഎഇ ഐക്യരാഷ്ട്രസഭയോടും യുഎൻ സുരക്ഷാ കൗൺസിലിനോടും അഭ്യർത്ഥിച്ചു. പ്രദേശത്തെ സ്ഥിരത നിലനിർത്താനും ജനങ്ങളുടെ സുരക്ഷ ഉറപ്പാക്കാനും ആഗോള തലത്തിൽ ഏകോപിതമായ നടപടികൾ സ്വീകരിക്കേണ്ടതുണ്ടെന്ന് യുഎഇ ആവർത്തിച്ചു.

The United Arab Emirates has expressed deep concern over the escalating Iran-Israel-US conflict, calling the situation in West Asia extremely serious. The UAE urged the United Nations and the UN Security Council to intervene immediately, emphasizing the need for diplomatic solutions to avoid disastrous consequences and ensure regional stability.