പാലക്കാട്: മീനാക്ഷിപുരം കമ്പാലത്തറ ഡാമില്‍ സുഹൃത്തുക്കള്‍ക്കൊപ്പം കുളിക്കാനിറങ്ങിയ വിദ്യാര്‍ഥികള്‍ ഒഴുക്കില്‍പ്പെട്ട് മരിച്ചു. പാലക്കാട് പുതുനഗരം സ്വദേശി കാര്‍ത്തിക്ക് (19), ചിറ്റൂര്‍ അണിക്കോട് സ്വദേശി വിഷ്ണുപ്രസാദ്(18) എന്നിവരാണ് മരിച്ചത്. ഇരുവരും പ്ലസ് ടു വിദ്യാര്‍ഥികളാണ്. 

അവധി ആഘോഷത്തിന് എത്തിയതായിരുന്നു.സുഹൃത്തുക്കള്‍ക്കൊപ്പം  കുളിക്കുന്നതിനിടയിലാണ് വിദ്യാര്‍ഥികള്‍ ഒഴുക്കില്‍പ്പെട്ടത്. മൃതദേഹങ്ങള്‍ ആശുപത്രിയിലേക്ക് മാറ്റി.