കുട്ടികള്‍ക്ക് സ്‌കൂളിലേക്ക് സ്‌നാക്‌സായി കൊടുത്തു വിടാന്‍ പറ്റിയ അടിപൊളി ഐറ്റമാണ് ഫ്രഞ്ച് ടോസ്റ്റ്. ഉണ്ടാക്കാനും വളരെ എളുപ്പമാണ്. വീട്ടില്‍ എപ്പോഴുമുണ്ടാവുന്ന മുട്ടയും പാലും ചേര്‍ത്താണ് ഇതുണ്ടാക്കുന്നത്. 

ബ്രഡ്- 6 
മുട്ട -3
മുട്ടയുടെ വെള്ള- 3
കറുവപ്പട്ട പൊടി - ഒരു നുള്ള്
വെളിച്ചെണ്ണ- 2 സ്പൂണ്‍
ചീസ്- 4 ടേബിള്‍ സ്പൂണ്‍
പ്രൊട്ടീന്‍ പൗഡര്‍ - ഒരു സ്പൂണ്‍ (ഇഷ്ടമുള്ള ഫ്‌ളേവര്‍)

ഉണ്ടാക്കുന്ന വിധം

ഒരു പാത്രത്തിലേക്ക് മുട്ട, മുട്ടയുടെ വെള്ള, പാല്‍, കറുവപട്ട എന്നിവ ചേര്‍ത്ത് നന്നായി മിക്‌സ് ചെയ്യുക. ഇതിലേക്ക് ബ്രഡ് കഷണങ്ങള്‍ മുക്കി എടുക്കുക.  ഇവ തിരിച്ചും മറിച്ചുമിട്ട് ഒന്നു വേവിച്ചെടുക്കുക. ഇനി ഒരു പാനില്‍ വെളിച്ചെണ്ണ ഒഴിച്ച് കുതിര്‍ത്ത ബ്രഡ് കഷണങ്ങള്‍ രണ്ടു ഭാഗവും വേവിച്ചെടുക്കുക. ഒരു പാത്രത്തില്‍ ചീസ് പ്രോട്ടീന്‍ പൗഡര്‍ കറുവപ്പെട്ട എന്നിവ ചേര്‍ത്ത് നന്നായി മിക്‌സ് ചെയ്‌തെടുക്കുക. ഇത് രണ്ട് ബ്രഡ് സ്ലൈസുകള്‍ക്കിടയില്‍ തേയ്ക്കുക. എന്നിട്ട് ചൂടോടെ കഴിക്കാവുന്നതാണ്. ഫ്രഞ്ച് ടോസ്റ്റ് റെഡി.