നിലമ്പൂര്‍: സംസ്ഥാനത്ത് വീണ്ടും കാട്ടാന ആക്രമണം. ആക്രമണത്തില്‍ ആദിവാസി യുവാവ് കൊല്ലപ്പെട്ടു. നിലമ്പൂര്‍ മുണ്ടേരി വാണിയമ്പുഴ കോളനിയിലെ ബില്ലി(46)യാണ് ആക്രമണത്തില്‍ കൊല്ലപ്പെട്ടത്. ചാലിയാറിന് അക്കരെയുള്ള കോളനിയിലെ യുവാവിന്റെ താമസസ്ഥലത്തിനു സമീപത്തു വെച്ചാണ് കാട്ടാന ആക്രമിച്ചത്. 

2019ലെ പ്രളയത്തിനിടെ വീടു നഷ്ടപ്പെട്ട ശേഷം കുടില്‍ കെട്ടിയായിരുന്നു ബില്ലിയും കുടുംബവും കഴിഞ്ഞിരുന്നത്. കനത്ത മഴയെ തുടര്‍ന്ന് ചാലിയാറില്‍ ജലനിരപ്പ് ഉയര്‍ന്നതിനാല്‍ സ്ഥലത്തേക്ക് എത്തുക വെല്ലുവിളിയാണ്. സംഭവ സ്ഥലത്തേക്ക് ഫയര്‍ഫോഴ്‌സ് പുറപ്പെട്ടിട്ടുണ്ട്.