കുവൈത്ത് സിറ്റി: ഇറാന്‍-ഇസ്‌റാഈല്‍ സംഘര്‍ഷത്തെ തുടര്‍ന്ന് കഴിഞ്ഞ കുറച്ച് ദിവസങ്ങളായി നിര്‍ത്തിവച്ചിരുന്ന വിമാന സര്‍വീസുകള്‍ പുനഃരാരംഭിച്ചതായി കുവൈത്ത് എയര്‍വേയ്‌സ്. ചൊവ്വാഴ്ച മുതല്‍ ഷെഡ്യൂള്‍ ചെയ്ത വിമാന സര്‍വീസുകള്‍ പൂര്‍ണമായും പുനരാരംഭിച്ചതായി കുവൈത്ത് എയര്‍വേയ്‌സ് പ്രഖ്യാപിച്ചു. എല്ലാ വിമാനങ്ങളും ഇപ്പോള്‍ സാധാരണ നിലയില്‍ ഷെഡ്യൂള്‍ ചെയ്തതനുസരിച്ച് പ്രവര്‍ത്തിക്കുമെന്നും എയര്‍ലൈന്‍ ഔദ്യോഗിക പ്രസ്താവനയില്‍ സ്ഥിരീകരിച്ചു.

ALSO READ: കുവൈത്തില്‍ അധ്യാപകജോലിക്ക് പുതിയ വ്യവസ്ഥകള്‍; എല്ലാ പോസ്റ്റിലേക്കും പ്രവാസികള്‍ക്ക് അപേക്ഷിക്കാനാകില്ല; യോഗ്യതകളും അപേക്ഷിക്കേണ്ട വിധവും അറിയാം | Kuwait Teaching Recruitment Rules

യാത്രക്കാരുടെ സുരക്ഷയും സുഖസൗകര്യവും ഉറപ്പാക്കുന്നതിനുള്ള ഉയര്‍ന്ന നിലവാരം നിലനിര്‍ത്താന്‍ കമ്പനി പ്രതിജ്ഞാബദ്ധമാണെന്ന് കുവൈത്ത് എയര്‍വേയ്‌സ് വ്യക്തമാക്കി. 

'ഞങ്ങളുടെ യാത്രക്കാരുടെ സുരക്ഷയും സൗകര്യവും എല്ലായ്‌പ്പോഴും ഞങ്ങളുടെ മുന്‍ഗണനയാണ്. സേവനങ്ങള്‍ സുഗമമായി പുനഃസ്ഥാപിക്കാന്‍ ഞങ്ങളുടെ ടീം അശ്രാന്തമായി പ്രവര്‍ത്തിച്ചു,' എയര്‍ലൈന്‍ വക്താവ് പറഞ്ഞു.

വിമാന ഷെഡ്യൂളുകളിലെ ഏറ്റവും പുതിയ അപ്‌ഡേറ്റുകള്‍ക്കായി യാത്രക്കാര്‍ കുവൈത്ത് എയര്‍വേയ്‌സിന്റെ ഔദ്യോഗിക വെബ്‌സൈറ്റോ സോഷ്യല്‍ മീഡിയ ചാനലുകളോ പിന്തുടരണമെന്ന് എയര്‍ലൈന്‍ അഭ്യര്‍ത്ഥിച്ചു. ഫ്‌ലൈറ്റ് സ്റ്റാറ്റസ് പരിശോധിക്കുന്നതിന് കുവൈത്ത് എയര്‍വേയ്‌സിന്റെ വെബ്‌സൈറ്റിലെ 'ഫ്‌ലൈറ്റ് സ്റ്റാറ്റസ്' വിഭാഗം ഉപയോഗിക്കാമെന്നും അധികൃതര്‍ അറിയിച്ചു.

ALSO READ: ഖത്തർ, കുവൈത്ത് വ്യോമപാതകൾ തുറന്നു; വിമാന സര്‍വിസുകള്‍ ഭാ​ഗികമായി പുനസ്ഥാപിച്ചു

കുവൈത്ത് ഇന്റര്‍നാഷണല്‍ എയര്‍പോര്‍ട്ടില്‍ നിന്ന് മിഡില്‍ ഈസ്റ്റ്, യൂറോപ്പ്, ഏഷ്യ, വടക്കേ അമേരിക്ക എന്നിവിടങ്ങളിലേക്കടക്കം 54ലധികം ലക്ഷ്യസ്ഥാനങ്ങളിലേക്ക് കുവൈത്ത് എയര്‍വേയ്‌സ് സര്‍വീസ് നടത്തുന്നു.

Kuwait Airways has resumed its flight operations, bringing much-needed relief to stranded passengers and restoring travel connectivity to key destinations.