തിരുവനന്തപുരം: പ്ലസ് ടു മാർക്ക് ലിസ്റ്റിൽ ഗുരുതര പിഴവുകൾ സംഭവിച്ച് ഏകദേശം 30,000 വിദ്യാർത്ഥികളുടെ ഭാവി അപകടത്തിലായ സംഭവത്തിൽ കുറ്റക്കാർക്കെതിരെ കർശന ശിക്ഷാ നടപടികൾ ആവശ്യപ്പെട്ട് കെപിഎസ്‌ടിഎ (കേരള പ്രൈവറ്റ് സെക്കൻഡറി ടീച്ചേഴ്സ് അസോസിയേഷൻ) സംസ്ഥാന കമ്മിറ്റി. ഈ വീഴ്ചയ്ക്ക് മാധ്യമങ്ങളെ കുറ്റപ്പെടുത്തി ഉത്തരവാദിത്തത്തിൽനിന്ന് ഒഴിഞ്ഞുമാറാൻ ശ്രമിക്കുന്നത് അപലനീയമാണെന്നും, പൊതുവിദ്യാഭ്യാസ മേഖലയുടെ വിശ്വാസ്യതയെ തകർക്കുന്ന ഈ കൃത്യവിലോപത്തിന് ഉത്തരവാദികളായവർക്കെതിരെ മാതൃകാപരമായ നടപടികൾ സ്വീകരിക്കണമെന്നും കെപിഎസ്‌ടിഎ ആവശ്യപ്പെട്ടു.

ഉന്നത പഠനത്തിന് തയ്യാറെടുക്കുന്ന വിദ്യാർത്ഥികളുടെ ഭാവിയെ ബാധിക്കുന്ന ഇത്തരം ഗുരുതര വീഴ്ചകളിൽ സർക്കാർ ക്രിയാത്മക നടപടികൾ സ്വീകരിക്കാത്തത് ഖേദകരമാണെന്ന് സംഘടന ചൂണ്ടിക്കാട്ടി. പരീക്ഷാ നടത്തിപ്പിനും മൂല്യനിർണയത്തിനും ഉന്നത ഉദ്യോഗസ്ഥർ ഉൾപ്പെട്ട സംവിധാനം നിലവിലുണ്ടായിട്ടും ഇത്തരം പിഴവുകൾ എങ്ങനെ സംഭവിച്ചുവെന്ന് സർക്കാർ വിശദീകരിക്കണം.

ഈ സംഭവത്തെ പൊതുവിദ്യാഭ്യാസ സംവിധാനത്തെ തകർക്കാനുള്ള ആസൂത്രിത നീക്കമായാണ് കാണേണ്ടതെന്നും, ഉദ്യോഗസ്ഥരെ സംരക്ഷിക്കുന്ന അനാസ്ഥയ്ക്കെതിരെ ശക്തമായ നടപടികൾ വേണമെന്നും കെപിഎസ്‌ടിഎ ആവശ്യപ്പെട്ടു. സംസ്ഥാന പ്രസിഡന്റ് കെ. അബ്ദുൾ മജീദിന്റ്റെ അധ്യക്ഷതയിൽ ചേർന്ന യോഗത്തിൽ ജനറൽ സെക്രട്ടറി പി.കെ. അരവിന്ദൻ, ട്രഷറർ വട്ടപ്പാറ അനിൽകുമാർ, ബി. സുനിൽകുമാർ, എൻ. രാജ്മോഹൻ, ബി. ബിജു, അനിൽ വെഞ്ഞാറമൂട്, ടി.യു. സാദത്ത്, പി.എസ്. ഗിരീഷ് കുമാർ, സാജു ജോർജ്, ജി.കെ. ഗിരീഷ്, എം.കെ. അരുണ, ജോൺ ബോസ്കോ, പി.എസ്. മനോജ്, പി. വിനോദ് കുമാർ, പി.എം. നാസർ, ടി.വി. ഹരിലാൽ, പി.എം. ശ്രീജിത്ത്, പി.വി. സന്ധ്യ, ടി. ആബിദ്, ആർ. തനൂജ എന്നിവർ സംസാരിച്ചു.

A serious error in the Plus Two mark list has jeopardized the future of nearly 30,000 students in Kerala. The Kerala Private Secondary Teachers Association (KPSTA) condemned the attempt to blame media and demanded exemplary punishment for those responsible. They criticized the government's inaction and called for an explanation, alleging a planned move to undermine public education.