കിഴക്കമ്പലം: അസം സ്വദേശിനിയായ യുവതി വീട്ടിൽ പ്രസവിച്ച ഇരട്ടക്കുട്ടികൾ മരിച്ചു. അസം സ്വദേശിനിയായ മജിത കാത്തുവാണു (25) വീട്ടിൽ പ്രസവിച്ചത്. കിഴക്കമ്പലം പെരിങ്ങാല പോത്തനാംപറമ്പിലെ വീട്ടിൽ വൈകിട്ട് 3 മണിയോടെയാണ് പ്രസവം നടന്നത്. രണ്ടു ദിവസം മുൻപ് ഇവർ കണ്ണൂരിൽ നിന്നുവന്ന് വാടകവീട്ടിൽ താമസമാക്കിയത്. മാസം തികയാതെയായിരുന്നു പ്രസവം. ‌‌‌

ഒരു ആൺകുഞ്ഞിനും, പെൺകുഞ്ഞിനുമാണ് ഇവർ ജന്മം നൽകിയത്. വിവരമറിഞ്ഞ് സ്ഥലത്തെത്തിയ ആശാവർക്കറായ സുനിത യുവതിയെയും, മക്കളെയും തൃപ്പൂണിത്തുറ താലൂക്ക് ആശുപത്രിയിൽ എത്തിച്ചെങ്കിലും ആൺകുട്ടി മരിച്ചിരുന്നു. പെൺകുട്ടിക്കു ജീവൻ ഉണ്ടെന്നു കണ്ടതോടെ പെൺകുട്ടിയെ എറണാകുളം മെഡിക്കൽ കോളജിൽ എത്തിച്ചു. തീവ്ര പരിചരണ വിഭാഗത്തിൽ പ്രവേശിപ്പിച്ചെങ്കിലും രാത്രി ഏഴരയോടെ മരണം സംഭവിച്ചു. 

 മജിത കാത്തു മെഡിക്കൽ കോളജിൽ ചികിത്സയിലാണ്. ഇവരുടെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു. പ്ലൈവുഡ് കമ്പനിയിലെ ജോലിക്കായാണു കുടുംബം പെരിങ്ങാലയിൽ എത്തിയത്. മുബാറക് അലിയാണ് മജിത കാത്തുവിന്റെ ഭർത്താവ്. സംഭവത്തിൽ അമ്പലമേട് പൊലീസ് കേസെടുത്തു.

A 25-year-old woman from Assam, Majitha Kathuvanu, tragically lost her newborn twins after delivering them at home.