ഗസ്സ സിറ്റി: ഗസ്സയില്‍ കഴിഞ്ഞ 20 മാസത്തിലേറെയായി കുട്ടികളെയും സ്ത്രീകളെയും ഉള്‍പ്പെടെ കൊലപ്പെടുത്തുന്ന ഇസ്‌റാഈല്‍ അധിനിവേശ സൈനികര്‍ക്ക് ഹമാസിന്റെ കനത്ത തിരിച്ചടി. ഫലസ്തീന്‍ ചെറുത്തുനില്‍പ്പ് സംഘടനയായ ഹമാസ് ചൊവ്വാഴ്ച നടത്തിയ തന്ത്രപരമായ പ്രത്യാക്രമണങ്ങളില്‍ എട്ടുപേര്‍ കൊല്ലപ്പെട്ടു. 15 പേര്‍ക്ക് പരുക്കേറ്റു. ഖാന്‍യൂനുസിലും ജബലിയയിലും നടത്തിയ രണ്ട് വ്യത്യസ്ത ആക്രമണങ്ങളിലാണ് എട്ട് സയണിസ്റ്റ് സൈനികര്‍ കൊല്ലപ്പെട്ടത്. കൂടാതെ മധ്യ ഖാന്‍ യൂനിസില്‍ ശക്തമായ സ്‌ഫോടകവസ്തു ഉപയോഗിച്ച് തങ്ങളുടെ പോരാളികള്‍ ഇസ്‌റാഈലി സൈനിക വാഹനം നശിപ്പിച്ചതായി അല്‍ഖുദ്‌സ് ബ്രിഗേഡും അറിയിച്ചു.  

തെക്കന്‍ ഗാസയിലെ ഖാന്‍ യൂനിസില്‍ ഇസ്‌റാഈല്‍ സൈന്യത്തെ ലക്ഷ്യമിട്ട് നടത്തിയ അതി സങ്കീര്‍ണ്ണമായ ആക്രമണത്തില്‍ അഞ്ചുസൈനികരാണ് കൊല്ലപ്പെട്ടത്. അധിനിവേശസൈനികരുടെ വ്യൂഹത്തെ പതിയിരുന്ന് ആക്രമണം നടത്തുകയായിരുന്നു. നിരവധി സൈനികരെ കണ്ടെത്താനായിട്ടില്ലെന്നും ഫലസ്തീന്‍ ക്രോണിക്കിള്‍ റിപ്പോര്‍ട്ട്‌ചെയ്തു.

ഖാന്‍ യൂനിസില്‍ ഒരേസമയം സൈനിക യൂണിറ്റിനെയും സ്ഥലത്തേക്ക് അയച്ച രക്ഷാപ്രവര്‍ത്തക സംഘത്തെയുമാണ് ഹമാസിന്റെ സായുധവിഭാഗമായ ഇസ്സുദ്ദീന്‍ അല്‍ ഖസ്സാം ബ്രിഗേഡ് പതിയിരുന്ന് ആക്രമിച്ചത്. ആക്രമണത്തില്‍ ഒരു എഞ്ചിനീയറിംഗ് കോര്‍പ്‌സ് കവചിത പേഴ്‌സണല്‍ കാരിയര്‍ അഗ്നിക്കിരയായി.

പരുക്കേറ്റ സൈനികരെ സൈനിക ഹെലികോപ്റ്ററുകള്‍ വഴി ടെല്‍ അവീവിലെ ടെല്‍ ഹാഷോമര്‍ ആശുപത്രിയിലേക്ക് മാറ്റി. ആക്രമിക്കപ്പെട്ട സൈനികരുടെ കുടുംബങ്ങളെ വിവരം അറിയിച്ചിട്ടുണ്ടെന്ന് അധിനിവേശസൈന്യം (എ.ഡി.എഫ്) സ്ഥിരീകരിച്ചു.

രാത്രിയായതോടെ ഇവിടേക്ക് നിരവധി സൈനികരെത്തി സ്ഥലത്തിന്റെ നിയന്ത്രണം വീണ്ടെടുക്കാന്‍ ശ്രമിച്ചുകൊണ്ടിരിക്കുകയാണ്. ഖാന്‍ യൂനിസിന് തെക്ക് ഇസ്‌റാഈല്‍ ഹെലികോപ്റ്ററുകള്‍ വെടിയുതിര്‍ത്തതായും നഗരമധ്യത്തില്‍ വ്യോമാക്രമണം നടത്തിയതായും പലസ്തീന്‍ മാധ്യമങ്ങള്‍ റിപ്പോര്‍ട്ട് ചെയ്തു.

ആക്രമണത്തിന്റെ വിഡിയോയും അല്‍ഖസ്സാം ബ്രിഗേഡ് പുറത്തുവിട്ടു. തെക്കന്‍ ഖാന്‍ യൂനിസിലെ പാതി തകര്‍ന്ന വീടിനുള്ളില്‍ പതിയിരുന്ന് ആക്രമണം നടത്തുന്നതും സൈനികവാഹനം അഗ്നിക്കിരയാകുന്നതും തീഗോളം ഉയരുന്നതുമാണ് വിഡിയോയിലുള്ളത്. 

വടക്കന്‍ ഗാസയിലെ ജബാലിയയില്‍ സമാനമായ രീതിയില്‍ നടത്തിയ ആക്രമണത്തിലാണ് മൂന്ന് സയണിസ്റ്റ് സൈനികരെ ഖസ്സാം ബ്രിഗേഡ് കൊലപ്പെടുത്തിയത്.

ഗസ്സയില്‍ ഭക്ഷണത്തെ ആയുധ വല്‍ക്കരിക്കുന്നത് യുദ്ധക്കുറ്റമെന്ന് യു.എന്‍

ജനീവ: ഗസ്സയില്‍ ഭക്ഷണത്തെ ആയുധവല്‍ക്കരിക്കുന്ന ഇസ്‌റാഈലിന്റെ നടപടി യുദ്ധക്കുറ്റമാണെന്ന് ഐക്യരാഷ്ട്രസഭ. ഗസ്സയില്‍ ഭക്ഷണത്തിന് എത്തുന്നവരെ വെടിവച്ചു കൊല്ലുന്ന ഇസ്‌റാഈലിന്റെ നടപടി അവസാനിപ്പിക്കണമെന്നും യു.എന്‍ മനുഷ്യാവകാശ ഓഫിസ് പറഞ്ഞു.

ഗസ്സയിലെ പട്ടിണിപ്പാവങ്ങളായ ആയിരങ്ങള്‍ പട്ടിണി മൂലം മരണത്തിന്റെ വക്കിലോ ഭക്ഷണം തേടിപോകുമ്പോള്‍ കൊല്ലപ്പെടുകയോ ആണ്. ഗസ്സയില്‍ ഇസ്‌റാഈല്‍ യു.എസ് സഹായത്തോടെ നടപ്പാക്കിയ ഗസ്സ ഹ്യൂമാനിറ്റേറിയന്‍ ഫൗണ്ടേഷന്‍ (ജി.എച്ച്.എഫ്) ആണ് ഭക്ഷണ വിതരണത്തിന് ചിലയിടങ്ങളില്‍ ക്യാംപ് നടത്തുന്നത്. യു.എന്‍ ഏജന്‍സികളെ തടയുകയാണ് ഇതിന്റെ ലക്ഷ്യം. ഇവരുടെ കേന്ദ്രങ്ങളിലാണ് ഭക്ഷണത്തിനെത്തുന്നവരെ വെടിവച്ചു കൊല്ലുന്നത്. നൂറുകണക്കിന് ആളുകളെ ഇത്തരത്തില്‍ കൊലപ്പെടുത്തിയിട്ടുണ്ട്. ഓരോ കൊലപാതകങ്ങളും അന്വേഷിക്കുകയും കണക്കില്‍പ്പെടുത്തുകയും ചെയ്യണമെന്നും യു.എന്‍ ആവശ്യപ്പെട്ടു. 3000 പേര്‍ക്ക് ഭക്ഷണം വാങ്ങാനെത്തിയപ്പോള്‍ വെടിവയ്പില്‍ പരുക്കേറ്റിട്ടുണ്ട്.

Israeli media reported that total eight soldiers were killed and 15 others wounded—some critically—on Tuesday in a complex ambush targeting the Israeli military in Gaza. According to the reports, several soldiers remain unaccounted for at the ambush site.