മുൻ മുഖ്യമന്ത്രി വി.എസ്. അച്യുതാനന്ദന്റെ മകൻ വി.എ. അരുൺകുമാറിനെ ഐഎച്ച്ആർഡി താത്കാലിക ഡയറക്ടർ പദവിയിൽ നിയമിച്ചതിൽ സ്വമേധയാ കേസ് രജിസ്റ്റർ ചെയ്ത് അന്വേഷിക്കാൻ ഹൈക്കോടതി ഉത്തരവ്. അരുൺകുമാറിന്റെ യോഗ്യതകൾ വിശദമായി പരിശോധിക്കണമെന്ന് ആവശ്യപ്പെട്ട കോടതി, രാഷ്ട്രീയ സ്വാധീനം ഉപയോഗിച്ച് യോഗ്യതാ മാനദണ്ഡങ്ങൾ മറികടന്നാണ് ഈ നിയമനം നടന്നതെന്ന് സംശയിക്കുന്നതായും ചൂണ്ടിക്കാട്ടി. 

തൃക്കാക്കര മോഡൽ എഞ്ചിനീയറിംഗ് കോളേജിന്റെ മുൻ പ്രിൻസിപ്പലും നിലവിൽ കേരള ടെക്നിക്കൽ യൂണിവേഴ്സിറ്റി ഡീനുമായ ഡോ. വിനു തോമസ് സമർപ്പിച്ച ഹരജിയിന്മേലാണ് ഹൈക്കോടതിയുടെ ഉത്തരവ്. 

ഐഎച്ച്ആർഡി ഡയറക്ടർ പദവി ഒരു സർവകലാശാല വൈസ് ചാൻസലർക്ക് തുല്യമാണെന്ന് നിരീക്ഷിച്ച കോടതി, ഈ പദവിക്ക്  യുജിസി മാനദണ്ഡങ്ങൾ പ്രകാരം കുറഞ്ഞത് ഏഴ് വർഷത്തെ അധ്യാപന പരിചയം ആവശ്യമാണെന്ന് വ്യക്തമാക്കി. അതേസമയം, ക്ലറിക്കൽ തസ്തികയിൽ ജോലി ചെയ്തിരുന്ന ഒരാളെ രാഷ്ട്രീയ സ്വാധീനത്തിന്റെ ബലത്തിൽ ഉയർന്ന പദവിയിലേക്ക് പ്രൊമോഷൻ നൽകി ഐഎച്ച്ആർഡി ഡയറക്ടറായി നിയമിച്ചത് അസാധാരണമാണെന്നും കോടതി അഭിപ്രായപ്പെട്ടു.

The Kerala High Court has initiated a suo motu case to investigate the appointment of V.A. Arunkumar, son of former Chief Minister V.S. Achuthanandan, as the interim Director of IHRD. The court has directed a detailed examination of Arunkumar’s qualifications, expressing concerns that political influence may have bypassed eligibility criteria in securing the appointment.