തൃശൂര്‍: തൃശൂര്‍ നല്ലങ്കര വൈലോപ്പിള്ളി നഗറില്‍ ഗുണ്ടകള്‍ പൊലിസിനെ ആക്രമിച്ചു. പൊലിസുകാരെയും മണ്ണുത്തി കണ്‍ട്രോള്‍ റൂം വാഹനവുമാണ് സംഘം ആക്രമിച്ചത്. ഇന്നലെ പുലര്‍ച്ചെ ഒരു വീട്ടില്‍കയറി ഗുണ്ടകള്‍ പ്രശ്‌നമുണ്ടാക്കുന്നുവെന്ന് വിവരം കിട്ടിയതിന്റെ അടിസ്ഥാനത്തില്‍ പോയതായിരുന്നു പൊലിസുകാര്‍.

തുടര്‍ന്നാണ് ആക്രമണം ഉണ്ടായത്. ആറുപേരെ പൊലിസ് കസ്റ്റഡിയിലെടുത്തിട്ടുണ്ട്. രണ്ടു കൊലക്കേസുകളില്‍ പ്രതിയായ ബ്രഹ്മജിത്ത് ഉള്‍പ്പെടെയുള്ളവരാണ് കസ്റ്റഡിയില്‍ ഉള്ളത്. കൂടുതല്‍ ഗുണ്ടകള്‍ക്ക് ഈ ആക്രമണത്തില്‍ പങ്കുണ്ട്. നാലു പൊലിസുകാര്‍ ആശുപത്രിയിലാണ് . പൊലിസ് ജീപ്പും അടിച്ചു തകര്‍ത്തിട്ടുണ്ട്. ലഹരി ഉപയോഗിച്ചിട്ടുണ്ട് ഗുണ്ടകള്‍ എന്നാണ് പൊലിസിന്റെ നിഗമനം.