കുവൈത്ത് സിറ്റി ∙ സമൂഹമാധ്യമങ്ങങ്ങളിൽ പരസ്യങ്ങളും ഓഫാറുകളും കണ്ടു അനധികൃത വെബ്സൈറ്റുകളിൽ നിന്ന് വിമാന ടിക്കറ്റുകൾ വാങ്ങരുതെന്ന് മുന്നറിയിപ്പ് നൽകി കുവൈത്ത്. ജനങ്ങൾക്കിടയിൽ സാമ്പത്തിക അവബോധം വളർത്താൻ ലക്ഷ്യമിട്ട് കുവൈത്ത് റിസർവ് ബാങ്ക് അധികൃതർ ആരംഭിച്ച ബോധവൽക്കരണ ക്യാംപെയ്ന്റെ ഭാഗമായി നാഷനൽ ബാങ്ക് ഓഫ് കുവൈത്ത് (NBK) ആണ് നിർദേശം നൽകിയത്.

പ്രാദേശിക ബാങ്കുകളുടെയും കുവൈത്ത് ബാങ്കിങ് അസോസിയേഷനുകളുടെയും പങ്കാളിത്തത്തോടെ 'നമുക്ക് ജാഗ്രത പാലിക്കാം' (Let’s Be Aware) എന്ന തലക്കെട്ടിലാണ് ബോധവൽക്കരണ ക്യാംപെയ്ൻ ആരംഭിച്ചത്. സമൂഹ മാധ്യമങ്ങളിലെ പരസ്യങ്ങളിൽ ആകൃഷ്ടരായി വ്യാജ എയർലൈൻ, ഇവന്റ് ടിക്കറ്റുകൾ ബുക്ക് ചെയ്യുമ്പോൾ വ്യക്തിഗത വിവരങ്ങളും പണവും അപഹരിക്കപ്പെടുമെന്ന് NBK അറിയിച്ചു.

ബാങ്ക് ഉപയോക്താക്കൾക്കിടയിൽ ബാങ്കിങ്, സാമ്പത്തിക സാക്ഷരത ഉറപ്പാക്കാൻ ലക്ഷ്യമിട്ടുള്ളതാണ് ബോധവൽക്കരണ ക്യാംപെയ്ൻ. സാമ്പത്തിക തട്ടിപ്പുകൾ എങ്ങനെ ഒഴിവാക്കാം, ഉയർന്ന അപകടസാധ്യതാ നിക്ഷേപങ്ങൾ ഉയർത്തുന്ന ഭീഷണികൾ, ബാങ്കിങ് സേവനങ്ങളുടെ നേട്ടങ്ങൾ സ്വന്തമാക്കാനുള്ള മികച്ച വഴികൾ എന്നിവ സംബന്ധിച്ചാണ് പ്രധാനമായും ബോധവൽക്കരണം നടത്തുന്നത്.

ശ്രദ്ധിക്കേണ്ട കാര്യങ്ങൾ

* സംശയാസ്പദവും അനധികൃതവുമായ അക്കൗണ്ടുകൾ, പേജുകൾ എന്നിവയിൽ നിന്നാണ് ഇത്തരം പരസ്യങ്ങൾ പൊതുവെ പ്രത്യക്ഷപ്പെടുന്നത്.

* പെയ്മെന്റ് ചെയ്യും മുൻപ് അവരുടെ വിശ്വാസ്യത ഉറപ്പാക്കണം 

* വിമാന ടിക്കറ്റുകളുടെ റിസർവേഷൻ കൈകാര്യം ചെയ്യുന്ന കമ്പനികൾ, വെബ്സൈറ്റുകൾ, ഏജന്റുകൾ തുടങ്ങിയവരെ കുറിച്ച് വ്യക്തമായി അന്വേഷിക്കണം.

* ബാങ്ക് കാർഡ് പിൻ നമ്പറുകൾ പതിവായി മാറ്റേണ്ടതുണ്ട്.

* ബാങ്കിൽ നിന്നുള്ളവരാണെന്ന് അവകാശപ്പെടുന്ന തട്ടിപ്പുകാരുമായിഒരിക്കലും പിൻ/ രഹസ്യ കോഡ്/ OTP പങ്കുവയ്ക്കരുത്.

National Bank of Kuwait continues its effective participation in the "Let’s Be Aware” campaign launched by the Central Bank of Kuwait in collaboration with local banks and Kuwait Banking Association, with the aim to enhance banking culture and financial awareness and literacy in society