കണ്ണൂര്‍: മുന്‍മന്ത്രി കെ സുധാകരന്റെ അനുയായികള്‍ ചേര്‍ന്നു രൂപംനല്‍കിയ വാട്‌സ്ആപ്പ് കൂട്ടായ്മയായ കെ.എസ് ബ്രിഗേഡിന്റെ ആഭിമുഖ്യത്തില്‍ ചാലയിലെ ശാന്തിദീപം സ്‌കൂളില്‍ ഓണം-ബലിപെരുന്നാള്‍ ആഘോഷം സംഘടിപ്പിച്ചു. ശാരീരിക മാനുഷിക വെല്ലുവിളികള്‍ നേരിടുന്ന കുട്ടികള്‍ പഠിക്കുന്ന വിദ്യാലയത്തില്‍ പ്രവര്‍ത്തകര്‍ ഓണക്കോടിയും ഓണസദ്യയും നല്‍കിയാണ് ഓണം ആഘോഷിച്ചത്. പരിപാടി കെ സുധാകരന്‍ ഉദ്ഘാടനം ചെയ്തു. ടി.സി താഹ അധ്യക്ഷനായി. ഡി.സി.സി പ്രസിഡന്റ് കെ സുരേന്ദ്രന്‍, കെ.പി.സി.സി ജനറല്‍ സെക്രട്ടറി സുമാ ബാലകൃഷ്ണന്‍, യൂത്ത് കോണ്‍ഗ്രസ് ലോക്‌സഭാ മണ്ഡലം പ്രസിഡന്റ് റിജില്‍ മാക്കുറ്റി, കെ.എസ്.യു നേതാക്കളായ സുധീപ് ജയിംസ്, വി.പി അബ്ദുല്‍റഷീദ്, സന്തോഷ് പെരളശ്ശേരി, ഷംസുദ്ദീന്‍ മുണ്ടേരി സംസാരിച്ചു. പ്രധാനധ്യാപിക കെ ജലറാണിയെ കെ സുധാകരന്‍ ഉപഹാരം നല്‍കി ആദരിച്ചു. കുട്ടികള്‍ക്കുള്ള ഓണക്കോടിയുടെ വിതരണവും അദ്ദേഹം നിര്‍വഹിച്ചു. കുട്ടികളുടെ കലാപരിപാടികളും നടന്നു.