ഹൈദരാബാദ്: വിവാഹ വാഗ്ദാനം പാലിക്കാൻ സാധിക്കാത്തത് ഒരിക്കലും ക്രിമിനൽ കുറ്റമായി കണക്കാക്കാനാകില്ലെന്ന് തെലങ്കാന ഹൈക്കോടതി. തുടക്കം മുതൽ തന്നെ വഞ്ചിക്കാനുള്ള ഉദ്ദേശമാണ് ഉണ്ടായിരുന്നത് എന്ന് തെളിയിക്കാൻ സാധിച്ചാൽ മാത്രമേ വിവാഹ വാഗ്ദാനം ലംഘിച്ചതിന് വഞ്ചന കുറ്റങ്ങൾക്ക് കേസെടുക്കാൻ സാധിക്കുകയുള്ളൂവെന്നും തെലങ്കാന ഹൈക്കോടതി വ്യക്തമാക്കി. 

ഹൈദരാബാദ് സ്വദേശിയായ രാജാപുരം ജീവൻ റെഡ്ഡി നൽകിയ ഹരജി പരിഗണിക്കവെ ആയിരുന്നു തെലങ്കാന ഹൈക്കോടതിയുടെ ഈ നിരീക്ഷണം. 2019ൽ കാരക്കല്ല് പത്മിനി റെഡ്ഢി സമർപ്പിച്ച ഹരജിയിൽ ജീവൻ റെഡ്ഢിക്കെതിരെ ക്രിമിനൽ നടപടികൾ സ്വീകരിച്ചതിനെ ചോദ്യം ചെയ്താണ് ഇയാൾ ഹൈക്കോടതിയെ സമീപിച്ചിരുന്നത്. 

2016ൽ മാതാപിതാക്കളുടെ സമ്മതത്തോടെ തന്നെ വിവാഹം കഴിക്കാമെന്ന് ജീവൻ റെഡി വാഗ്ദാനം നൽകിയിരുന്നു എന്നും എന്നാൽ പിന്നീട് വഞ്ചിക്കുകയായിരുന്നു എന്നുമാണ് പത്മിനി റെഡ്ഢി പരാതി നൽകിയത്. ഇതിനു പിന്നാലെ പൊലിസ് ജീവൻ റെഡ്ഡിക്കെതിരെ ക്രിമിനൽ കേസ് രജിസ്റ്റർ ചെയ്യുകയായിരുന്നു. ഈ കേസിന്റെ വിചാരണ നടപടികൾ പുരോഗമിക്കവയാണ് ജീവൻ ഹൈക്കോടതിയെ സമീപിച്ചത്.

Failure to keep marriage promise cannot be considered a criminal offence Telangana High Court