ദുബൈ: ദുബൈ കിരീടാവകാശിയും യുഎഇ  ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാന്റെ പ്രവൃത്തിയെ സംബന്ധിച്ച വീഡിയോ ഒരു വീഡിയോ സമൂഹമാധ്യമങ്ങളില്‍ വൈറലായികൊണ്ടിരിക്കുകയാണ്. വീഡിയോ നിരവധി സോഷ്യല്‍ മീഡിയാ ഉപയോക്താക്കളുടെ മനം കവര്‍ന്നു. ദുബൈ മാളിലെ ഒരു റെസ്‌റ്റോറന്റില്‍ ഭക്ഷണം കഴിക്കാന്‍ എത്തിയ ഷെയ്ഖ് ഹംദാന്‍ അവിടെയുണ്ടായിരുന്ന മുഴുവന്‍ പേരുടേയും ഭക്ഷണത്തിന്റെ ബില്‍ കൊടുക്കുകയായിരുന്നു. അബൂദബി കിരീടാവകാശി ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാനും അദ്ദേഹത്തോടൊപ്പം ഉണ്ടായിരുന്നു.

ALSO READ: ടോൾ ഒഴിവാക്കാൻ കുറുക്കുവഴി ഉപയോ​ഗിക്കുന്നവർ ശ്രദ്ധിക്കുക; വലിയ വില നൽകേണ്ടി വരുമെന്ന് അബൂദബി പൊലിസ്

'ഫസ' എന്നാണ് ഷെയ്ഖ് ഹംദാന്‍ തൂലികാനാമം. അദ്ദേഹത്തിന്റെ ഔദ്യോഗിക ഇന്‍സ്റ്റഗ്രാം അക്കൗണ്ടിന്റെ പേരും ഇതുതന്നെ. ലോവില്‍ ദുബൈ എന്ന പ്രദേശിക മീഡിയാ ഹാന്‍ഡിലാണ് വീഡിയോ പുറത്തുവിട്ടത്. ദുബൈ മാളിലെ ലാ മൈസണ്‍ അനി റെസ്റ്റോറന്റ് സന്ദര്‍ശിക്കുന്നതിനിടെയായിരുന്നു ഷെയ്ഖ് ഹംദാന്റെ ഈ പ്രവൃത്തി. 

 

 

ഭക്ഷണം കഴിക്കാനായി ലാ മൈസണ്‍ അനി റെസ്റ്റോറന്റിലെത്തിയ ഷെയ്ഖ് ഹംദാന്‍ അവിടെയുണ്ടായിരുന്ന എല്ലാവരുടെയും ബില്‍ അടച്ചുവെന്ന് ഒരു യുവതി പറയുന്നത് വീഡിയോയില്‍ കാണാം.

ALSO READ: മലയാളികള്‍ക്ക് വമ്പന്‍ അവസരം: നാട്ടില്‍ നിന്ന് യുഎഇയില്‍ എത്താന്‍ 170 ദിര്‍ഹം; ഓഫര്‍ പരിമിതം

വീഡിയോ പുറത്തുവന്നതിനു പിന്നാലെ വളരെ പെട്ടെന്ന് തന്നെ സൈബറിടത്ത് വൈറലായി. ഇതിനു പുറമേ ധാരാളം പേരാണ് ഷെയ്ഖ് ഹംദാനെ അഭിനന്ദിച്ച് രംഗത്തെത്തിയത്. 

നിരവധി കാര്യങ്ങളില്‍ ദുബൈ ഒന്നാമതെത്താന്‍ ഒരു കാരണമുണ്ട്, ഒരാള്‍ കുറിച്ചു. രാജ കുടുംബം എത്ര മനോഹരമാണെന്ന് വിശദീകരിക്കാന്‍ എനിക്ക് വാക്കുകളില്ല, ദൈവം അവരെ അനുഗ്രഹിക്കട്ടെ, മറ്റൊരാള്‍ കമന്റ് ചെയ്തു.

ഷെയ്ഖ് ഹംദാനും സഹോദരന്മാരും അദ്ദേഹത്തിന്റെ പിതാവ് ഷെയ്ഖ് മുഹമ്മദിനെ പിന്തുടരുന്നു, മറ്റൊരാള്‍ കുറിച്ചു. ഇതിനുപുറമേ തന്റെ ഹൃദയം ജനങ്ങള്‍ക്ക് നല്‍കിയ രാജകുമാരന്‍ എന്നതടക്കമുള്ള കമന്റുകളും വീഡിയോയുടെ കമന്റ് ബോക്‌സില്‍ ഇടംപിടിച്ചു.

ALSO READ: എമിറേറ്റ്‌സ് എന്‍ബിഡി വഴി ഇന്ത്യയിലേക്ക് സൗജന്യ പണമടയ്ക്കല്‍ തുടരും; ബാങ്കിന്റെ പുതിയ അപ്‌ഡേറ്റ്‌സ് അറിഞ്ഞിരിക്കാം | Emirates NBD Updates

2006 മുതല്‍ 2008 വരെ ഡെപ്യൂട്ടി ഭരണാധികാരിയായി സേവനമനുഷ്ഠിച്ച ഷെയ്ഖ് ഹംദാന്‍ 2008ലാണ് ദുബൈ കിരീടാവകാശിയായി നിയമിതനായത്. കവിത, സാഹസിക കായിക വിനോദങ്ങള്‍ (സ്‌കൈ ഡൈവിംഗ്, സ്‌കൂബ ഡൈവിംഗ്), ജീവകാരുണ്യ പ്രവര്‍ത്തനങ്ങള്‍ എന്നിവയുടെ പേരില്‍ ആഗോള പ്രശസ്തനാണ് അദ്ദേഹം. 17 ദശലക്ഷത്തിലധികം ഫോളോവേഴ്‌സുള്ള അദ്ദേഹത്തിന്റെ ഇന്‍സ്റ്റാഗ്രാമില്‍ ഫോട്ടോഗ്രാഫി, മൃഗങ്ങള്‍ എന്നിവയുള്‍പ്പെടെയുള്ള ചിത്രങ്ങള്‍ പങ്കുവെക്കാറുണ്ട്. 

Dubai Crown Prince Sheikh Hamdan surprises diners by paying everyone's bill at a restaurant. The generous gesture quickly went viral, earning widespread admiration on social media for the beloved royal's humility and kindness.