മലയാളികള്‍ക്ക് പ്രിയപ്പെട്ടവയാണ് കൂര്‍ക്കല്‍. ഉച്ച ഭക്ഷണത്തിനായി കൂര്‍ക്കല്‍ ഉപ്പേരിയായോ കറിയായോ വച്ച് കഴിക്കാറുണ്ട്. എന്നാല്‍ ഇത് ചിലര്‍ക്ക് വളരെയധികം പ്രിയപ്പെട്ടതാവും. അത്തരക്കാര്‍ക്ക് ഇത് എപ്പോഴും കഴിക്കാനും ഇഷ്ടമായിരിക്കും. പക്ഷേ, ഇതിനൊരു കുഴപ്പമുണ്ട്. ഇഷ്ടവും രുചിയുമൊക്കെ ഉണ്ടെങ്കിലും ഇത് വൃത്തിയാക്കി എടുക്കുക എന്നത് വലിയൊരു ടാസ്‌ക് തന്നെയാണ്.

അതുകൊണ്ട് തന്നെ പലരും കൂര്‍ക്ക വിഭവങ്ങള്‍ ഉണ്ടാക്കാനും തയാറാവാറില്ല. തൊലി കളയുന്നതു മാത്രമല്ല പ്രശ്‌നം. കൂര്‍ക്കയുടെ കറയും കൈകളില്‍ പറ്റും. ഇതും നമ്മെ ഇതില്‍ നിന്നു പിന്തിരിപ്പിക്കുന്നു. എന്നാലിനി വിഷമിക്കേണ്ട. കൂര്‍ക്കയുടെ തൊലി എളുപ്പത്തില്‍ തന്നെ കളയാവുന്നതാണ്. ആദ്യം കൂര്‍ക്ക നന്നായി കഴുകി എടുക്കുക. മണ്ണൊക്കെ കളഞ്ഞു നല്ല വൃത്തിയായി കഴുകുക. 

ഇനി ഒരു കുക്കറില്‍ ആവശ്യത്തിനു വെള്ളം ഒഴിച്ച് കൂര്‍ക്കയിട്ട് വേവിക്കുക. ഒറ്റ വിസില്‍ വന്നാല്‍ തീ ഓഫ് ചെയ്യുക. തണുത്തു കഴിഞ്ഞാല്‍ ഒന്നമര്‍ത്തിപ്പിടിക്കുക. അപ്പോള്‍  തന്നെ അതിന്റെ തൊലി ഈസിയായി കളയാവുന്നതാണ്. ഇനി കൂര്‍ക്ക വാങ്ങുമ്പോള്‍ ഈ ട്രിക്ക് ഉപയോഗിച്ചോളൂ... നിത്യവും നിങ്ങള്‍ക്ക് കൂര്‍ക്ക കഴിക്കാവുന്നതാണ്. 

Koorka (Chinese potato) is a beloved ingredient in traditional Malayali cuisine, especially enjoyed during lunch as a stir-fry or curry. However, many avoid cooking koorka due to the hassle of cleaning and peeling it. The sticky residue it leaves on hands and the time-consuming peeling process often discourage people from preparing it at home.