കണ്ണൂർ: ഡിജിപി നിയമനത്തിൽ സർക്കാരിനെതിരെ ​ഗുരുതര ആരോപണങ്ങളുമായി എഐസിസി ജനറൽ സെക്രട്ടറി കെ സി വേണുഗോപാൽ. റവാഡ ചന്ദ്രശേഖരന്റെ നിയമനം കേന്ദ്രവുമായുള്ള ഒത്തുതീർപ്പിന്റെ ഭാഗമാണെന്ന് വാദിച്ച വേണു​ഗോപാൽ, യോഗേഷ് ഗുപ്ത, നിതിൻ അഗർവാൾ എന്നിവരെ മാറ്റിനിർത്തി റവാഡയെ ഡിജിപിയായി തെരഞ്ഞെടുത്തതിന് പിന്നിലെ കാരണം എന്താണെന്ന ചോദ്യവും ഉന്നയിച്ചു. സിപിഎം കേന്ദ്രവുമായി ഒത്തുതീർപ്പിന് പോയെന്നും, രക്തസാക്ഷികളെ മറന്നുവെന്നും വേണുഗോപാൽ കുറ്റപ്പെടുത്തി. റവാഡയെ വ്യക്തിപരമായി കുറ്റപ്പെടുത്തുന്നില്ലെങ്കിലും, സിപിഎം തങ്ങളുടെ മുൻനിലപാട് തെറ്റായിരുന്നുവെന്ന് തുറന്നുപറയാൻ ധൈര്യം കാണിക്കണമെന്നും വേണുഗോപാൽ ആവശ്യപ്പെട്ടു.

അതേസമയം, സർക്കാർ തീരുമാനത്തെ പിന്തുണച്ച് കണ്ണൂർ ജില്ലാ സെക്രട്ടറി കെ കെ രാഗേഷ് രംഗത്തെത്തി. കൂത്തുപറമ്പ് വെടിവെപ്പ് അന്വേഷിച്ച കമ്മീഷൻ റവാഡക്കെതിരെ തെളിവുകളൊന്നും കണ്ടെത്തിയിട്ടില്ല, അതേസമയം, കണ്ണൂരിലെ പാർട്ടി അണികളുടെ വികാരം പരിഗണിക്കാതെ ഡിജിപി നിയമനത്തിൽ സംസ്ഥാന സർക്കാരിന് പൂർണ അധികാരമില്ലെന്ന ഏറ്റുപറച്ചിലും രാഗേഷിന്റെ ഭാഗത്തുനിന്നുണ്ടായി. 

ALSO READ: ഒറ്റയടിക്ക് കൂടിയത് 800ലേറെ രൂപ; ഞെട്ടിച്ച് പൊന്ന്, വില കൂടാനുള്ള കാരണം നോക്കാം

കൂത്തുപറമ്പ് വെടിവെപ്പിനെക്കുറിച്ച് അന്വേഷിച്ച കമ്മീഷൻ റിപ്പോർട്ടിനെ അടിസ്ഥാനമാക്കിയാണ് നേതാക്കൾ റവാഡയെ ന്യായീകരിക്കുന്നത്. എന്നാൽ, ഈ റിപ്പോർട്ട് പുറത്തുവന്ന ശേഷവും സിപിഎം സർക്കാർ റവാഡയെ കൊലക്കുറ്റത്തിന് പ്രതിചേർത്തിരുന്നു എന്നത് ശ്രദ്ധേയമാണ്. 

ഡിജിപി നിയമനവുമായി ബന്ധപ്പെട്ട വേണുഗോപാലിന്റെ ആരോപണങ്ങൾ കേരള രാഷ്ട്രീയത്തിലും സിപിഎമ്മിനുള്ളിലും പുതിയ ചർച്ചകൾക്ക് വഴിയൊരുക്കും. പ്രധാനമന്ത്രിയുടെ സുരക്ഷാ ചുമതല വഹിച്ചിരുന്ന ഒരാൾ എങ്ങനെ പെട്ടെന്ന് സിപിഎമ്മിന് അനുകൂലമായി എന്നതാണ് വേണുഗോപാൽ ഉന്നയിക്കുന്ന സംശയം. അതേസമയം, റവാഡയുടെ ആദ്യ ഔദ്യോഗിക പരിപാടി കണ്ണൂരിൽ മുഖ്യമന്ത്രി പിണറായി വിജയൻ പങ്കെടുക്കുന്ന അവലോകന യോഗമാണെന്നതും ശ്രദ്ധേയമാണ്.

AICC General Secretary KC Venugopal has strongly criticized the Kerala government's decision to appoint R Vadachery as the new DGP, alleging that the move is part of a backroom deal with the Centre. Venugopal questioned why Vadachery was preferred over other senior officers like Yogesh Gupta and Nitin Agarwal. He accused the CPM of compromising with the Centre and forgetting the sacrifices of martyrs. While not personally attacking Vadachery, Venugopal urged the CPM to show courage in admitting their change in stance [1].