കൊച്ചി: ഇന്ത്യയിലെ ഏറ്റവും വലിയ ഡാർക്ക് നെറ്റ് ശൃംഖലയെ തകർത്ത് കൊച്ചി എൻസിബി. കെറ്റാമെലോൺ എന്ന പേരിൽ പ്രവർത്തിച്ച മയക്കുമരുന്ന് ശൃംഖലയെയാണ് കൊച്ചി എൻസിബി ഇല്ലാതാക്കിയത്. നാല് മാസത്തോളം നടത്തിയ അന്വേഷണത്തിനൊടുവിലാണ് ഈ ഡാർക്ക് നൈറ്റ് മയക്കുമരുന്ന് ശൃംഖലയെ എൻസിബി തകർത്തത്. ഇതിന്റെ മുഖ്യ സൂത്രധാരൻ മൂവാറ്റുപുഴ സ്വദേശി ആണെന്നാണ് എൻസിബി കണ്ടെത്തിയത്. 

കഴിഞ്ഞ രണ്ട് വർഷമായി ഇന്ത്യയിൽ സജീവമായി പ്രവർത്തിച്ച ഡാർക്ക് നെറ്റ് ശൃംഖലയാണ് കെറ്റാമെലോൺ എന്നാണ് എൻസിബി അറിയിച്ചത്. മൂവാറ്റുപുഴ സ്വദേശിയുടെ വീട്ടിൽ നടത്തിയ തിരച്ചിലിൽ ഏകദേശം 35.12 ലക്ഷം രൂപയോളം വില വരുന്ന ലഹരി വസ്തുക്കളാണ് പിടിച്ചെടുത്തത്. 

Kochi NCB busts Indias largest dark knight network