വാഷിങ്ടണ്‍: ന്യൂയോര്‍ക്ക് മേയര്‍ സ്ഥാനത്തേക്കുള്ള ഡെമോക്രാറ്റിക് സ്ഥാനാര്‍ത്ഥി സൊഹ്റാന്‍ മംദാനിയെ പുറത്താക്കാന്‍ പഠിച്ച് പണി പതിനെട്ടും പയറ്റി യു.എസ് പ്രസിഡന്റ് ഡൊണാള്‍ഡ് ട്രംപ്.  സൊഹ്‌റാന്‍ മംദാനിയുടെ പൗരത്വം റദ്ദാക്കുന്നതിനുള്ള സാധ്യത തേടുകയാണ് യു.എസ് ഭരണകൂടം. മംദാനി അനധികൃത കുടിയേറ്റക്കാരനാണെന്നാണ് ട്രംപ് ആരോപിക്കുന്നത്. ന്യൂയോര്‍ക്ക് നഗരത്തിലെ കുടിയേറ്റ അറസ്റ്റുകള്‍ തടഞ്ഞാല്‍ മംദാനിയെ അറസ്റ്റ് ചെയ്യുമെന്ന ഭീഷണിയും ട്രംപ് മുഴക്കി. 

 വിദേശത്ത് ജനിച്ച പൗരന്‍മാരുടെ പൗരത്വം റദ്ദാക്കുന്ന ട്രംപ് ഭരണകൂടത്തിന്റെ നയത്തിന്റെ ഭാഗമായി മംദാനിയുടേയും പൗരത്വം റദ്ദാക്കാനുള്ള നീക്കമാണ് യു.എസ് ഭരണകൂടം  നടത്തുന്നത്. മംദാനിയുടെ പൗരത്വത്തെ കുറിച്ച് അന്വേഷിക്കാനുള്ള നീക്കങ്ങള്‍ വൈറ്റ് ഹൗസ് സെക്രട്ടറി കാരോളിന ലീവിറ്റിന്റെ നേതൃത്വത്തിലാണ് നടക്കുന്നതെന്നാണ് സൂചന. ടെന്നീസീലെ റിപബ്ലിക്കന്‍ സെനറ്ററുടെ ആവശ്യപ്രകാരമാണ് നടപടിയെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

33കാരനായ മംദാനി ഉഗാണ്ട പൗരനാണ്. 1998 മുതല്‍ ന്യൂയോര്‍ക്ക് സിറ്റിയാലാണ് താമസിക്കുന്നത്.  2018ല്‍ അദ്ദേഹത്തിന് യു.എസ് പൗരത്വം ലഭിച്ചു. തെരഞ്ഞൈടുക്കപ്പെട്ടാല്‍ ന്യൂയോര്‍ക്ക് സിറ്റിയുടെ മേയര്‍ ആകുന്ന ആദ്യം മുസ്‌ലിം അയിരിക്കും അദ്ദേഹം. ഫലസ്തീന്‍ പോരാട്ടങ്ങള്‍ക്ക് പിന്തുണ പ്രഖ്യാപിച്ചതിലൂടെ മാധ്യമശ്രദ്ധ നേടിയിട്ടുണ്ട് മംദാനി.  മംദാനി യു.എസ് പൗരനല്ലെന്ന് പറയുന്നതിന് യാതൊരു തെളിവുമില്ല എന്നതാണ് യാഥാര്‍ഥ്യമെന്നിരിക്കെ ട്രംപിന്റെ നീക്കങ്ങള്‍ക്കെതിരെ ശക്തമായ വിമര്‍ശനവും ഉയരുന്നുണ്ട്. 

'എന്നെ അറസ്റ്റ് ചെയ്യുന്നുമെന്നും പൗരത്വം റദ്ദാക്കി തടങ്കല്‍പാളയത്തിലാക്കി നാടുകടത്തുമെന്നും യു.എസ് പ്രസിഡന്റ് പറയുന്നുണ്ട്. ഞാന്‍ ഒരു നിയമ ലംഘനവും നടത്തിയിട്ടില്ല. നമ്മുടെ നഗരത്തെ ഭീതിയിലാഴ്ത്താനുളള നീക്കങ്ങള്‍ അംഗീകരിക്കാനാവില്ല- തന്നെ അറസ്റ്റ് ചെയ്യുമെന്ന ട്രംപിന്റെ ഭീഷണിയില്‍ മംദാനി പ്രതികരിച്ചു.  

ന്യൂയോര്‍ക്ക് സിറ്റി മേയര്‍ സ്ഥാനത്തേക്കുള്ള ഡെമോക്രാറ്റിക് സ്ഥാനാര്‍ഥി സ്ഥാനം സൊഹ്‌റാന്‍ മംദാനി ഉറപ്പിച്ചിരുന്നു. ഡെമോക്രാറ്റിക് പ്രൈമറിയുടെ ആദ്യ ഘട്ടത്തില്‍ നേരത്തേ വിജയിച്ചിരുന്ന മംദാനി റാങ്ക്ഡ് ചോയ്‌സ് വോട്ടിങ്ങിലും മുന്‍തൂക്കം നേടി. രണ്ടാം ഘട്ടത്തില്‍ പ്രധാന എതിരാളി മുന്‍ ഗവര്‍ണര്‍ ആന്‍ഡ്രൂ കൗമോയെക്കാള്‍ 12 ശതമാനം അധികം വോട്ടാണ് 33കാരന്‍ സ്വന്തമാക്കിയത്. നവംബര്‍ നാലിനാണ് മേയര്‍ തെരഞ്ഞെടുപ്പ്.

ഇന്തോ-അമേരിക്കന്‍ വംശജനും നിയമസഭാംഗവുമായ സഹ്‌റാം മംദാനി പ്രശസ്ത ഇന്ത്യന്‍ ചലച്ചിത്ര സംവിധായിക മീര നായരുടെയും ഇന്തോ-ഉഗാണ്ടന്‍ അക്കാദമീഷ്യന്‍ മഹ്‌മൂദ് മംദാനിയുടെയും മകനാണ്. ക്വീന്‍സില്‍ നിന്നുള്ള സംസ്ഥാന നിയമസഭ അംഗമാണ് മംദാനി.

ഡെമോക്രാറ്റുകള്‍ക്ക് ആധിപത്യമുള്ള നഗരത്തില്‍ ആദ്യമായാണ് മുസ്‌ലിം മേയര്‍ ഉണ്ടാകാനുള്ള സാധ്യത തെളിഞ്ഞിരിക്കുന്നത്. ഇസ്‌റാഈലിന് പുറത്ത് ഏറ്റവും കൂടുതല്‍ ജൂതര്‍ താമസിക്കുന്ന പ്രദേശമാണ് ന്യൂയോര്‍ക് സിറ്റി. ഇവിടെയാണ് ഇസ്‌റാഈല്‍-സയണിസ്റ്റ് അനുകൂലി ആന്‍ഡ്ര്യൂ ക്വോമോ പരാജയപ്പെടുത്തിയാണ് മേയര്‍ തെരഞ്ഞെടുപ്പിന് മുന്നോടിയായുള്ള പ്രൈമറിയില്‍ അദ്ദേഹം വിജയിക്കുന്നത്. പരമ്പരാഗത ക്രിസ്ത്യന്‍ വോട്ടുകളും ജനസംഖ്യയുടെ 10 ശതമാനത്തിലേറെ വരുന്ന ജൂതവോട്ടുകളും നേടി ക്വോമോ അനായാസ ജയം നേടുമെന്നാണ് പ്രതീക്ഷിച്ചിരുന്നത്. 

മംദാനിക്ക് അഭിനന്ദനവുമായി ബെര്‍നി സാന്റേഴ്സ് അടക്കമുള്ള പ്രമുഖര്‍ കഴിഞ്ഞ ദിവസം രംഗത്തെത്തിയിരുന്നു. എതിരാളികളുടെ രാഷ്ട്രീയ, സാമ്പത്തിക, മാധ്യമ പിന്തുണക്കെതിരെയാണ് മംദാനി വിജയം നേടിയതെന്ന് സാന്റേഴ്സ് പറഞ്ഞു.

Democratic NYC mayoral candidate Sohhrab Mamdani, son of filmmaker Mira Nair, faces threats from former President Donald Trump to revoke his citizenship. Despite leading in primaries, Mamdani's support for Palestine has drawn political backlash as he nears a historic victory as the city's first Muslim mayor.