ബംഗ്ലാദേശിനെതിരായ മൂന്ന് ഏകദിന മത്സരങ്ങളുടെ പരമ്പരയിലെ ആദ്യ മത്സരത്തിൽ ശ്രീലങ്കക്ക് 77 റൺസിന്റെ വമ്പൻ വിജയം. മത്സരത്തിൽ ചെയ്ത ശ്രീലങ്ക 49.2 ഓവറിൽ 244 റൺസിന് പുറത്താക്കുകയായിരുന്നു  വിജയലക്ഷ്യം പിന്തുടർന്നിറങ്ങിയ ബംഗ്ലാദേശ് ഇന്നിങ്സ് 35.5 ഓവറിൽ 167 റൺസിൽ അവസാനിക്കുകയായിരുന്നു.

ശ്രീലങ്കയുടെ ബൗളിങ്ങിൽ നാല് വിക്കറ്റുകൾ നേടി വനിന്ദു ഹസരംഗ തകർപ്പൻ പ്രകടനമാണ് പുറത്തെടുത്തത്. 7.5 ഓവറിൽ രണ്ട് മെയ്ഡൻ ഓവറുകൾ ഉൾപ്പെടെ വെറും പത്ത് റൺസ് മാത്രം വിട്ടുനിൽക്കുകയാണ് ഹസരംഗ നാല് വിക്കറ്റുകൾ നേടിയത്. ഈ തകർപ്പൻ പ്രകടനങ്ങളോടെ ഏകദിനത്തിൽ നൂറു വിക്കറ്റുകൾ പൂർത്തിയാക്കാനും ഹസരംഗക്ക് സാധിച്ചു. ഈ നേട്ടത്തിന് മറ്റൊരു പ്രത്യേകത കൂടിയുണ്ട്.

ശ്രീലങ്കയ്ക്കായി ഏകദിന ക്രിക്കറ്റിൽ ഏറ്റവും വേഗത്തിൽ നൂറു വിക്കറ്റുകൾ സ്വന്തമാക്കുന്ന താരമായി മാറാനും ഇതോടുകൂടി ഹസരംഗക്ക് സാധിച്ചിരിക്കുകയാണ്. 63 ഇന്നിങ്സുകളിൽ നിന്നുമാണ് താരം 100 വിക്കറ്റ് നേട്ടത്തിലേക്ക് കാലെടുത്തുവെച്ചത്. ഇതോടെ ഇത്ര ഇന്നിംഗ്സുകളിൽ നിന്നു തന്നെ 100 ഏകദിനം വിക്കറ്റുകൾ നേടിയ അജന്ത മെൻഡീസിന്റെ റെക്കോർഡിനൊപ്പമെത്താനും ഈ രാജസ്ഥാൻ റോയൽസ് ഓൾ റൗണ്ടർക്ക് സാധിച്ചു.

 മത്സരത്തിൽ ഹാസരംഗക്ക് പുറമെ കാമിന്ദു മെൻഡീസ് മൂന്നു വിക്കറ്റുകളും അസിത ഫെർണാണ്ടൊ, മഹീഷ് തീക്ഷണ എന്നിവർ ഓരോ വിക്കറ്റുകളും നേടി ലങ്കയുടെ വിജയത്തിൽ നിർണായകമായി. 

സെഞ്ച്വറി നേടിയ ക്യാപ്റ്റൻ ചരിത് അസലങ്കയുടെ തകർപ്പൻ പ്രകടനങ്ങളുടെ കരുത്തിലാണ് ശ്രീലങ്ക മാന്യമായ സ്കോർ പടുത്തുയർത്തിയത്. 123 പന്തിൽ 106 റൺസ് നേടിയാണ് ലങ്കൻ ക്യാപ്റ്റൻ തിളങ്ങിയത്. ആറ് ഫോറുകളും നാല് സിക്സുകളും അടങ്ങുന്നതായിരുന്നു അസലങ്കയുടെ തകർപ്പൻ പ്രകടനം. കുശാൽ മെൻഡീസ് 43 45 റൺസും നേടി. 

ബംഗ്ലാദേശ് ബൗളിംഗ് ടാസ്കിൻ അഹമ്മദ് നാല് വിക്കറ്റുകളും തൻസീം ഹസൻ സാക്കിബ് മൂന്ന് വിക്കറ്റുകളും നേടി മികച്ച പ്രകടനമാണ് പുറത്തെടുത്തത്. നജ്മൽ ഹുസൈൻ ഷാന്റോ, തൻവീർ ഇസ്ലാം എന്നിവർ ഓരോ വിക്കറ്റും സ്വന്തമാക്കി. 

ബംഗ്ലാദേശ് ബാറ്റിംഗിൽ തൻസിദ് ഹസൻ, ജേക്കർ അലി എന്നിവർ അർദ്ധ സെഞ്ച്വറി നേടി. 61പന്തിൽ ഒമ്പത് ഫോറുകളും ഒരു സിക്‌സും അടക്കം 62 റൺസാണ് ഹസൻ നേടിയത്. ജേക്കർ അലി 64 പന്തിൽ 51 റൺസും നേടി. നാല് വീതം ഫോറുകളും സിക്സുകളും അടങ്ങുന്നതായിരുന്നു താരത്തിന്റെ ഇന്നിങ്‌സ്. 

പരമ്പരയിലെ രണ്ടാം മത്സരം ജൂലൈ അഞ്ചിനാണ് നടത്തുന്നത്. ഈ മത്സരം വിജയിച്ചാൽ ശ്രീലങ്കക്ക് പരമ്പര സ്വന്തമാക്കാൻ സാധിക്കും.