പാലക്കാട്: വാടക കുടിശ്ശിക വരുത്തിയ വനിത പൊലിസ് സ്റ്റേഷന് നഗര സഭ കുടിയൊഴിപ്പിക്കൽ നോട്ടീസ്. ആറ് വർഷമായി വാടക നൽകുന്നില്ലെന്ന് കാണിച്ചാണ് നോട്ടീസ്. മൂന്ന് ദിവസത്തിനുള്ളിൽ ഒഴിയണമെന്നാണ് നോട്ടീസിൽ പറയുന്നത്. വാടകയായി 31 ലക്ഷം രൂപയാണ് നഗരസഭക്ക് നൽകാനുള്ളത്.

പൊലിസ് സ്റ്റേഷൻ പ്രവർത്തനം തുടങ്ങിയതിന് ശേഷം ഇതുവരെ ഒരു രൂപ പോലും വാടകയായി നൽകിയിട്ടെല്ലാണ്‌ ആരോപണം. നോട്ടീസ് ലഭിച്ചതിന് പിന്നാലെ ആറ് മാസം കൂടി സാവകാശം നൽകണമെന്ന് എസ്പി ആവശ്യപ്പെട്ടു. പരാതി എഴുതി നൽകിയാൽ സാവകാശം നൽകാമെന്നും എന്നിട്ടും കുടിശ്ശിക നൽകിയില്ലെങ്കിൽ നടപടി എടുക്കുമെന്നും നഗര സഭ അറിയിച്ചു. 

Not a single rupee was paid as rent Palakkad Womens Police Station receives eviction notice from the city council