ന്യൂഡൽഹി: കേരളത്തിൽ പണിമുടക്ക് ഹർത്താലായി മാറിയപ്പോൾ ഇന്ത്യയുടെ മറ്റുഭാഗങ്ങളിൽ ദേശീയ പണിമുടക്ക് പൊതുവെ ശാന്തമാണ്. രാജ്യതലസ്ഥാനത്ത് റോഡുകൾ പതിവുപോലെ സജീവമാണ്. ഒരുതരത്തിലുള്ള പണിമുടക്കുകളും പൊതുവെ ബാധിക്കാത്ത നഗരമാണ് ഡൽഹി. എന്നാൽ പശ്ചിമ ബംഗാളിൽ സമരം കേരളത്തിലെ പോലെ സജീവമാണ്. കൊൽക്കത്തയിലെ ജാദവ്പൂർ റെയിൽവേ സ്റ്റേഷനിൽ പ്രവേശിച്ച് തൊഴിലാളികൾ ട്രെയിനുകൾ ഉപരോധിച്ചു. തൊഴിലാളികളുടെ അവകാശങ്ങളെ ദുർബലപ്പെടുത്തുന്ന പരിഷ്കാരങ്ങൾ കേന്ദ്ര സർക്കാർ നടപ്പിലാക്കുകയാണെന്ന് ട്രേഡ് യൂണിയനുകൾ ആരോപിച്ചു.

ഡൽഹിയയുടെയും സമീപ സംസ്ഥാനങ്ങളുടെയും അതിർത്തികളിലും കാർഷിക മേഖലയെയും വ്യാവസായിക മേഖലകളെയും പണിമുടക്ക് സാരമായി തന്നെ ബാധിക്കുന്നുണ്ട്. പഞ്ചാബ്, ഹരിയാന തുടങ്ങിയ സംസ്ഥാനങ്ങളിലെ കർഷകർ പണിമുടക്കിൽ പങ്കെടുക്കുകയാണ്. അതിർത്തി പ്രദേശങ്ങളിലുള്ള വ്യാവസായിക മേഖലകളിലെ തൊഴിലാളികളെല്ലാം പണിമുടക്കിൽ പങ്കെടുക്കുന്നുണ്ട്. 

ALSO READ: കേരളത്തില്‍ പണിമുടക്കിന് 'ഹര്‍ത്താല്‍' മുഖം, സമ്പൂര്‍ണം; കെ.എസ്.ആര്‍.ടി.സി സര്‍വിസുകള്‍ ഉള്‍പെടെ സ്തംഭിച്ചു

ബീഹാറിൽ ശക്തമായി തന്നെ പണിമുടക്ക് ഉണ്ടാകും. ആർജെഡിയും ഇടത് സംഘടനകളുമാണ് ബീഹാറിലെ പൊതുപണിമുടക്കിന് പിന്തുണ പ്രഖ്യാപിച്ചിട്ടുണ്ട്. മഹാരാഷ്ട്രയുടെ വിവിധ ഭാഗങ്ങളിൽ തൊഴിലാളികൾ പണിമുടക്കിന്റെ ഭാഗമാകുന്നുണ്ട്. എന്നാൽ മുംബൈ ഉൾപ്പെടെയുള്ള നഗരങ്ങൾ സാധാരണ നിലയിലാണ്. 

10 ട്രേഡ് യൂണിയൻ സംഘടനകളാണ് പണിമുടക്കിന് ആഹ്വാനം ചെയ്യുന്നത്. രാജ്യത്താകെയുള്ള 25 കോടിയോളം തൊഴിലാളികൾ പണിമുടക്കിന്റെ ഭാഗമാകുന്നുണ്ട്. ഐഎൻടിയുസി, സിഐടിയു, എഐയുടിയുസി, ടിയുസിസി, എൽപിഎഫ്, യുടിയുസി, എഐടിയുസി, സേവ, എഐസിസിടിസി, എച്ച്എംഎസ് എന്നീ  യൂണിയനുകളാണ് ദേശീയപണിമുടക്കിന് നേതൃത്വം നൽകുന്നത്. ഗതാഗതം, റെയിൽവേ, ബാങ്കിംഗ്, ഇൻഷുറൻസ്, തപാൽ, ഖനി, നിർമ്മാണം, ടെലികോം, ഉരുക്ക്, വൈദ്യുതി മേഖലകളിലെ തൊഴിലാളികൾ പണിമുടക്കിൽ പങ്കെടുക്കും.

While the national strike remained largely peaceful across most parts of India, it took on the nature of a hartal (shutdown) in Kerala, with widespread participation and disruptions reported across the state. In contrast, Delhi, the national capital, saw normal traffic and routine activity, with the strike having little to no visible impact. The city, as usual, remained unaffected by trade union-led shutdowns.