ലഖ്‌നൗ: പ്രമേഹം, ഹൃദ്രോഗം ഉൾപ്പെടെ 19 രോഗങ്ങൾക്ക് പശുമൂത്രം കൊണ്ട് നിർമിച്ച മരുന്ന് അവതരിപ്പിച്ചുള്ള പുതിയ ആരോഗ്യ പദ്ധതിയുമായി യുപി സർക്കാർ. ഗോമൂത്രവും മറ്റ് പശു മൂത്ര ഉൽപ്പന്നങ്ങളും ഉപയോഗിച്ച് മരുന്നുകൾ നിർമ്മിക്കുന്നതിനായി ഒരു പുതിയ ആരോഗ്യ പദ്ധതി ആരംഭിച്ചതായി ഉത്തർപ്രദേശ് സർക്കാർ അറിയിച്ചു. കൂടുതൽ ആളുകൾക്ക് ദൈനംദിന ജീവിതത്തിൽ ഈ ചികിത്സകൾ ഉപയോഗിക്കാൻ കഴിയുന്ന തരത്തിൽ പഴയ ആയുർവേദ അറിവുകൾ ആധുനിക ശാസ്ത്രവുമായി സംയോജിപ്പിച്ചു ആണ് മരുന്ന് തയാറാക്കുന്നതെന്നാണ് സർക്കാരിന്റെ അവകാശവാദം. ഈ സംരംഭത്തിന്റെ കീഴിൽ, ടൂത്ത് പേസ്റ്റ്, തൈലം, സിറപ്പുകൾ തുടങ്ങിയ ആയുർവേദ വസ്തുക്കൾ സർക്കാർ വികസിപ്പിക്കും.

 

 

പശുവിൻ പാൽ, തൈര്, നെയ്യ്, മൂത്രം, ചാണകം എന്നിവയുടെ മിശ്രിതം

 പശുവിൻ പാൽ, തൈര്, നെയ്യ്, മൂത്രം, ചാണകം എന്നിവയുടെ പരമ്പരാഗത മിശ്രിതമായ പഞ്ചഗവ്യത്തിൽ നിന്നാണ് ഇവ നിർമ്മിക്കുന്നത്. ഇവയിൽ ഗോമൂത്രം പ്രധാനപ്പെട്ട ചേരുവ ആക്കും. ഗോമൂത്രത്തിന് പ്രത്യേക രോഗശാന്തി ശക്തിയുണ്ടെന്ന് ഉദ്യോഗസ്ഥർ അവകാശപ്പെടുന്നു. പ്രമേഹം, ഹൃദയസംബന്ധമായ പ്രശ്നങ്ങൾ, സന്ധിവാതം, ആസ്ത്മ, സൈനസ് അണുബാധ, വിളർച്ച, ചർമ്മരോഗങ്ങൾ എന്നിവയുൾപ്പെടെ പത്തൊൻപത് രോഗങ്ങൾ ചികിത്സിക്കാൻ ഇത് സഹായിക്കുമെന്ന് ആണ് യുപിയിലെ യോഗി സർക്കാരിന്റെ അവകാശവാദം.

സംശയം പ്രകടിപ്പിച്ചു ഒരു വിഭാഗം

 അതേസമയം അവകാശവാദങ്ങൾ സംബന്ധിച്ച് ഒരു വിഭാഗം സംശയം പ്രകടിപ്പിച്ചിട്ടുണ്ട്. അതിനാൽ ശരിയായ ശാസ്ത്രീയ പരിശോധന നടത്തുമെന്ന് സർക്കാർ പറയുന്നു. പദ്ധതി രോഗികളെ മാത്രമല്ല, ഗ്രാമപ്രദേശങ്ങളിലെ ദരിദ്ര സമൂഹങ്ങളെയും സഹായിക്കുമെന്ന് ഉത്തർപ്രദേശ് ഗൗസേവ കമ്മീഷനിലെ ഓഫീസർ ഓൺ സ്പെഷ്യൽ ഡ്യൂട്ടി ഡോ. അനുരാഗ് ശ്രീവാസ്തവ പറഞ്ഞു. "ഈ മരുന്നുകൾ ശാസ്ത്രീയമായ രീതിയിലാണ് നിർമ്മിക്കുന്നത്. അവ രോഗികളെ സഹായിക്കുക മാത്രമല്ല, പശുസംരക്ഷകർ, കർഷകർ, ഗ്രാമീണ യുവാക്കൾ എന്നിവർക്ക് ജോലി നൽകുകയും ചെയ്യും- അദ്ദേഹം പറഞ്ഞു.

 

 

ധനസഹായവും പരിപാലനവും പലപ്പോഴും ബുദ്ധിമുട്ടുന്ന ഗോശാലകൾക്ക് ഈ പദ്ധതി ഒരു പുതിയ ലക്ഷ്യം നൽകുമെന്ന് അദ്ദേഹം കൂട്ടിച്ചേർത്തു. കേന്ദ്ര ആയുഷ് വകുപ്പും ഈ പദ്ധതിയെ പിന്തുണയ്ക്കുന്നു. ആയുർവേദം, യുനാനി തുടങ്ങിയ പരമ്പരാഗത ഇന്ത്യൻ വൈദ്യശാസ്ത്ര രീതികളെ ഇത് പ്രോത്സാഹിപ്പിക്കുന്നു. “ഗോമൂത്രത്തിന് പ്രകൃതിദത്തമായ രോഗശാന്തി ശക്തിയുണ്ട്. കൂടുതൽ ആളുകൾ അതിൽ വിശ്വസിക്കുന്നതിനായി ഞങ്ങൾ അത് ശാസ്ത്രം ഉപയോഗിച്ച് തെളിയിക്കാൻ ശ്രമിക്കുകയാണ്,” ഡോ. ശ്രീവാസ്തവ പറഞ്ഞു. 

ഇന്ത്യൻ പാരമ്പര്യങ്ങളെയും പശുക്കളെയും സംരക്ഷിക്കുന്നതിനുള്ള നീക്കത്തെ ചിലർ പ്രശംസിക്കുമ്പോൾ, മറ്റുള്ളവർ ഗോമൂത്രത്തിന്റെ മെഡിക്കൽ മൂല്യത്തെക്കുറിച്ച് ചോദ്യങ്ങൾ ഉന്നയിച്ചിട്ടുണ്ട്. ഈ ഉൽപ്പന്നങ്ങൾ വ്യാപകമായി ഉപയോഗിക്കുന്നതിന് മുമ്പ് പൂർണ്ണ ഗവേഷണ ഡാറ്റ പുറത്തുവിടണമെന്ന് ശാസ്ത്രജ്ഞരും ആരോഗ്യ വിദഗ്ധരും സർക്കാരിനോട് ആവശ്യപ്പെട്ടു.

The Uttar Pradesh government has started a new health project to make medicines using cow urine and other cow products. Officials say the plan is to mix old Ayurvedic knowledge with modern science so that more people can use these treatments in their daily lives.