ഹൈദരാബാദ്: കുകത്പള്ളിയിൽ മായം ചേർത്ത കള്ള് കഴിച്ചതിനെ തുടർന്ന് 15 പേരെ ആശുപത്രിയിൽ പ്രവേശിപ്പിച്ചു. ഒരാളുടെ നില അതീവ ഗുരുതരമാണ്. ഇയാൾ നിലവിൽ വെന്റിലേറ്ററിന്റെ സഹായത്തോടെയാണ് ചികിത്സയിലുള്ളത്.

15 പേരെയും വ്യത്യസ്ത ആശുപത്രികളിൽ പ്രവേശിപ്പിച്ചതായി ഒരു എക്സൈസ് ഉദ്യോഗസ്ഥൻ പറഞ്ഞു. ഒരാൾ സ്വകാര്യ ആശുപത്രിയിലും, രണ്ട് പേർ ഗാന്ധി ആശുപത്രിയിലും, ഒമ്പത് പേരെ സ്വകാര്യ ആശുപത്രിയിൽനിന്ന് നിസാംസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലേക്കും (എൻഐഎംഎസ്) മാറ്റിയതായി എക്സൈസ് വകുപ്പ് ഉദ്യോഗസ്ഥർ പറഞ്ഞു.

മായം ചേർത്ത കള്ളാണ് ​​അപകടത്തിന് കാരണമെന്നാണ് പ്രാഥമിക വിലയിരുത്തൽ. സാമ്പിളുകൾ ലാബ് പരിശോധനയ്ക്കായി അയച്ചിട്ടുണ്ട്, യഥാർത്ഥ കാരണം നിർണ്ണയിക്കാൻ ഡോക്ടർമാർ വൈദ്യപരിശോധന നടത്തും. എങ്കിൽ മാത്രമേ കള്ള് കഴിച്ചതാണോ അപകടത്തിന് കാരണമായത് എന്ന് സ്ഥിരീകരിക്കാൻ സാധിക്കൂ.

ALSO READ: ഗുജറാത്ത് വഡോദരയിൽ പാലം തകർന്ന് വാഹനങ്ങൾ നദിയിൽ വീണു; മൂന്ന് മരണം, തകർന്നത് 45 വർഷം പഴക്കമുള്ള പാലം

വെന്റിലേറ്ററിലുള്ള രോഗിക്ക് നിർജലീകരണം മൂലമാണ് ബുദ്ധിമുട്ട് അനുഭവപ്പെടുന്നതെന്ന് ഉദ്യോഗസ്ഥൻ പറഞ്ഞു. അപകടം പറ്റിയവരിൽ ചിലർ ചൊവ്വാഴ്ച കള്ള് കുടിച്ചുവെന്ന് പറയുമ്പോൾ മറ്റുള്ളവർ രണ്ട് ദിവസം മുൻപാണ് കള്ള് കുടിച്ചിരുന്നത്. പരിശോധനാ റിപ്പോർട്ടുകൾ വന്നതിനുശേഷം മാത്രമേ കൃത്യമായ കാരണം അറിയാൻ കഴിയൂ എന്ന് ഉദ്യോഗസ്ഥർ കൂട്ടിച്ചേർത്തു.

In a serious incident from Kukatpally, Hyderabad, 15 people were hospitalized after consuming spurious (illicitly adulterated) liquor. According to reports, the victims began showing symptoms of poisoning shortly after consumption.